Immikkoor­tor­taqar­finni suleri­sar­pat?

Nunami ataat­simi ar­lalin­niluun­niit oqaluus­sinermik siuarsaanermik siunertaqartumik Betelik­kormiut as­sigiin­ngit­sut kif­fartuutigaat, soor­lu mak­ku: Nut­serineq, atuagas­sianik naqiterineq, atuak­kerineq, Biibililer­saarutinik toqqorsivilerineq, audionik videonil­lu pilersuineq al­lanil­lu isumagin­nin­neq.

Immik­koor­tor­taqar­fimmi ataatsimii­titaliaq suliamik nak­kutil­liivoq. Siulersuisoqatigiit immik­koortortaqarfiit tamarmik immik­kut siulersorneqarnerat ataat­simiititalianut utoqqaanertanik piumasaqaatinik eqqortit­sisunik pingasunik amer­lanerusunil­luun­niit ilaasortalin­nut isumagitippaat. Ataat­simiititaliat nunani akisus­saaf­figisamin­ni oqaluus­sinerup qanoq inger­lanera ajornartorsiutaasin­naasul­lu Siulersuisoqatigiin­nut nalunaarutigisar­paat. Nalunaarutit taak­ku iluaqutigalugit Siulersuisoqatigiit aalajangertar­put Biibililersaarutini saqqummersus­sani, ataat­simiin­nerni ataat­simeer­suarnernilu suut sammineqas­sanersut. Siulersuisoqatigiin­nut sin­niisuusut immik­koor­tortaqarfiit aalajangersimasumik tikil­lugit taak­kunani ataat­simiititaliat sulias­siis­sutigineqartumik isumagin­nin­neran­nut tun­ngatil­lugu siun­nersortar­paat. (Us­satit 11:14) Tikeraarnerani immik­kut it­tumik aaqqis­suus­saqartar­poq, ilaatigut tikeraaq nunami tikeraak­kamini najugalin­nut qiimmaal­lan­nartumik oqalugiartar­poq.

Ilagiit taperser­sorne­qarput. Qatan­ngutit angutit immik­koor­tortaqarfin­ni akisus­saasut nutaanik ilageeqalernis­saa akuerisar­paat. Pionerit, ajoqersuiartortitat ilagiin­nil­lu nak­kutil­liisut qatan­ngutinit angutinit immik­koortor­taqar­fimmiit­tunit nak­kutigineqar­put. Aamma ataat­simeersuarnis­sat aaqqis­sortar­paat, naalagaaf­filersaar­filior­nernil­lu ataqatigiis­saarisar­put ilagiil­lu Biibililersaarutinik pisariaqartunik pilersor­neqarnerat isumagisar­lugu. Immik­koortor­taqarfin­ni suliarineqartut tamarmik ‘torersumik’ oqaluus­sisoqarnis­saanut siuarsaa­taapput. – 1 Korinthimiut 14:33, 40.

• Immikkoortortaqarfimmi ataatsimiititaliaq Siulersuisoqatigiinnik qanoq ikiuisarpa?

• Akisussaaffiit suut immikkoortortaqarfimmit isumagineqarpat?