Eqqumallunilu utaqqivoq

1, 2. Elia sumik nuan­ner­pal­laan­ngitsumik sulias­saqar­pa, sutigul­lu Akabimit al­laanerua?

ELIA kisimiil­luni Ataataminut qilam­miusumut qinorusungaar­poq. Inup­pas­suil­li pruf­fiitip ilumoor­tup qilam­mit pisumik ikual­latitseq­qusil­luni qin­nutaata akineqar­nera takugamik­ku taas­sumun­nga iluareq­qusaarsimas­sap­put. Elia qaq­qamut Karmelimut qum­mukan­ngitsiar­nermini kisimiil­lunilu Jehovamut Guutimut qinun­ngitsiar­nermini nuan­ner­pal­laan­ngitsumik, kun­ngimik Akabimik oqaloqateqar­nis­samik, sulias­saqar­poq.

² Angutit taak­ku as­sigiin­ngil­luin­nar­put. Akabi kun­ngisut atisalik piumatul­lunilu ajor­tulior­nis­samut sun­ner­tiasuararsuuvoq. Eliap pruf­fiititut qal­lersaatini – im­maqa qatigat­tuup savaasal­luun­niit meq­quinik ikaar­titigaq nalingin­naasoq kusas­sagarujus­suun­ngitsorlu – ator­paa. Angutaavoq as­sut sapiil­lunilu as­suar­naal­lunilu up­perluar­toq. Maan­na un­nuk­kiar­tuler­poq, ul­lul­lu ingerlanerani angutit taak­kua inut­tut as­sigiin­ngis­sutaat kik­kun­nit tamanit takuneqarsin­naaler­poq.

3, 4. (a) Akabi Ba’alimil­lu pal­lorfigin­nit­tut qanoq kan­ngunarsar­neqar­pat? (b) Apeq­qutit suut sam­mis­savavut?

³ Akabi Ba’alimil­lu pal­lorfigin­nit­tut ul­lormi tas­sani kan­ngunarsar­neqar­put. Israelik­kut naggueqatigiis­sor­taasa quliusut naalagaaf­fian­ni up­perisarsioqatigiit Guutimik nalusut Akabip nuliatalu, dron­ningip Jezabelip, tapersersugaat ajorsar­titaarujus­suar­put. Ba’alip sal­lumik tun­ngaveqar­nera qulaar­neqar­poq. Pruf­fiitit silaarutaasarlutik qitiitigalutik im­minut kiler­titerlutik qinusut qin­nutaat guutip uumas­suseqan­ngitsup taas­suma in­nermik akisin­naan­ngilaaluun­niit. Ba’alip pruf­fiitit taak­ku 450-it eq­qor­tumik pil­lar­neqarlutik toqutaasut il­lersorsin­naan­ngilaaluun­niit. Guutipiluk aam­ma al­lamik iliuuseqan­ngitsoor­poq, iliuuseqarsin­naan­ngin­neralu qulaar­neqangajaler­poq. Ukiut pingasut sin­nerlugit Ba’alip pruf­fiitiisa guuter­tik paner­nersuaqarun­naarsitseq­qul­lugu qin­nuigiuarsimavaat, Ba’alili sial­lersitsinis­samut pis­saaneqan­ngilaq. Jehovap paner­nersuaqarun­naarsitsinermigut Guutiul­luni ilumoor­toq ersersingajaler­paa. – 1 Kng 16:30-17:1; 18:1-40.

⁴ Jehovali qaqugu iliuuseqas­sava? Iliuuseqar­nis­saata tungaanut Elia sus­sava? Angul­lu up­perluar­toq taan­na qanoq ilin­niarfigisin­naavar­put? Oqalut­tuaq sam­meriar­tigu. – 1 Kunngit 18:41-46 atuakkit.

Jehovamut qamannga pisumik qinuneq

5. Eliap Akabi qanoq oqarfigaa, ul­lormilu pisut Akabip ilin­niarfigisimar­pasip­pai?

⁵ Eliap Akabi sassarfigaa imalu oqarfigalugu: “Majuar­lutit nerigit imerlutil­lu, maan­na sialus­sap it­tun­nera uanga tusaasin­naalerak­ku.” Ul­lormi pisut kun­ngip ajor­tup ilin­niarfigai? Oqalut­tuami taman­na erseq­qis­sumik eq­qaaneqan­ngilaq, peq­qis­simineranul­li takus­sutis­saqar­nanilu Jehovamit isumak­keerfigineqar­nias­sagami pruf­fiitimut qin­nuteq­quneranik al­las­simasoqan­ngilaq. Aap, al­las­simaan­nar­poq ‘Akabi majuar­toq neriar­torluni imeriar­torlunilu’. (1 Kng 18:41, 42) Eliami?

6, 7. Eliap suna qin­nutigaa, aam­ma sooq?

⁶ Elia “qaq­qap Karmelip qaar­piaanut majuar­poq. Tas­sani nunamut ingip­poq peqil­luni kiin­nani seeq­qumi akor­nan­nut pisil­lugu.” Akabip neriar­tor­nerani Elia Ataataminut qilam­miusumut qinunis­saminut periarfis­saqar­poq. Matumani maniguul­luni inis­sin­nera maluginiaruk – Eliap seeq­qum­merluni niaq­quni sikitsingaaramiuk kiin­nani seeq­qumi akor­nan­niilersip­paa. Taamatut inis­sisimanera sumik ersersitsiva? Taman­na eq­qoriar­tariaqan­ngilar­put. Biibilimi, Jaakup al­lagaani 5:18-imi, paasitin­neqar­pugut Eliap paner­nersuaqarun­naar­nis­saa qin­nutigigaa. Karmelip qaavani taamatut qinugunar­poq.

⁷ Jehova siusin­nerusuk­kut ima oqar­poq: ‘Maan­na nunami sial­lersitsiniar­punga.’ (1 Kng 18:1) Ukiut 1.000-t mis­siliorlugit tamatuma kingor­na Jiisusip ajoqersuk­kaminut ilin­niar­titsis­sutigisaatut Jehovap piumasaata pinis­saa Eliap qin­nutigaa. – Matt 6:9, 10.

8. Eliap qinunermik maligas­siuinera qanoq ilin­niarfigaar­put?

⁸ Eliap qinunermik maligas­siuinera ilin­niarfigingaar­par­put. Guutip piumasaata pinis­saa Eliap pingaar­ner­tut eq­qarsaatigaa. Qinugaangat­ta Guutip “piumasaminut naaper­tuut­tumik qin­nuigigutsin­ni tusarumaaraatigut” eq­qaamasariaqar­par­put. (1 Joh 5:14) Taamaat­tumik qin­nutivut iluarinar­tuus­sap­pata Guuti qanoq piumasaqar­nersoq ilisimasariaqar­par­put – taman­nalu Biibilimik akulikitsumik atuaq­qis­saar­tar­nis­samut pis­sutis­saal­luar­poq. Eliap qular­nan­ngitsumik nunaq­qatimi naal­liun­nerat pis­sutigalugu paner­nersuaqarun­naar­nis­saa aam­ma kis­saatigaa. Ul­lormi tas­sani Jehovap tupin­nar­tuliaa takoreerlugu qaman­nga pisumik qujamasus­simas­saaq. Uagut­taaq qaman­nga pisumik qujamasun­neq al­lanil­lu isumas­suineq qinunitsin­ni ersersik­kusup­pavut. – 2 Korinthimiut 1:11; Filippimiut 4:6 atuakkit.

Tatiginnillunilu eqqumavoq

9. Eliap kif­fani qanoq peq­quaa, pis­susiilu marluk suut sam­mis­savavut?

⁹ Jehovap paner­nersuaqarun­naarsitsinis­saa Eliap tatigil­luin­nar­paa, qaquguli iliuuseqar­nis­saa ilisiman­ngilaa. Iliuuseqar­nis­saata tungaanut pruf­fiiti suleriva? Oqalut­tuami qanoq al­las­simasoqar­toq maluginiaruk: “Kif­fani oqarfigaa: ‘Majuarlutit im­map tungaa alak­kariar­toral­laak!’ Kif­faa majuar­poq, im­mal­lu tungaanut alak­kareerami oqar­poq: ‘Takus­saasoqan­ngilaq.’ Arfineq-marloriarluni Elia oqar­poq: ‘Naseq­qerias­sasutit!’” (1 Kng 18:43) Eliap maligas­siuinera min­ner­paamik marlutsigut ilin­niarfigaar­put. Siul­ler­tut, pruf­fiitip tatigin­nin­nera maluginiaruk. Aap­paat­tut, eq­qumanera maluginiaruk.

10, 11. (a) Jehovap neriorsuutaanik up­perin­nil­luin­nar­nini Eliap qanoq ersersip­paa? (b) Sooq uagut­taaq Jehovamik tatigin­nis­sin­naavugut?

¹⁰ Jehovap neriorsuutai up­peril­luin­naramigit iliuuseqar­nis­saanut takus­sutis­sanik Elia ujar­tuivoq. Kif­fani qaq­qap qaavanut sialus­saqar­nersoq alak­kaaq­quaa. Kif­faq uterami isumal­luar­nan­ngitsumik ima nalunaaruteqar­poq: “Takus­saasoqan­ngilaq.” Qilak nuiaqar­nani al­laaq­qip­poq. Im­mik­kuul­laris­sumik maluginiagaqar­pit? Eq­qaamajuk Eliap kun­ngi Akabi ima oqarfigeq­qam­mermagu: ‘Maan­na sialus­sap it­tun­nera uanga tusaasin­naaler­para.’ Qilak al­laaq­qim­mat sooq pruf­fiiti taamatut oqar­pa?

¹¹ Jehovap neriorsuutaa Eliap nalun­ngilaa. Jehovap pruf­fiitiatut sin­niisuatul­lu Guutip oqar­nermisut iliorumaar­nera up­peril­luin­nar­paa. Eliap Jehova tatigingaaramiuk sialus­suaq tusaasin­naalereer­paalusooq. Biibilimi Mosesip ima al­laatigineqar­nera im­maqa eq­qaavar­put: “[Takus­saan­ngitsumik] isigisaqarlunilusooq piner­tusaar­poq.” Il­lit aam­ma Guuti piviusutut isigaajuk? Guutip im­minik neriorsuutiminil­lu up­perin­nin­nis­satsin­nut up­per­narsaatis­sar­pas­suar­nik tunisar­paatigut. – Hebr 11:1, 27.

12. Eliap eq­qumanini qanoq ersersip­paa, nuian­nguul­lu majuler­nera tusaramiuk sua?

¹² Tamatuma saniatigut Eliap eq­qumanera maluginiaruk. Kif­fani ataasiaan­nar­nani marloriaan­nar­nanilu arfineq-marloriarlunili nasik­kiar­toq­quaa! Kif­fap majuaqat­taar­nermini qanoq qasutigisimas­sanera takorloorsin­naavar­put, Elial­li takus­sutis­saqar­nersoq paaserusungaar­paa. Kiisami kif­faq arfineq-aap­pas­saanik majuareerluni ima oqar­poq: “Tasama im­mamiit nuian­nguaq inuup as­saatut atsigisoq majuler­poq.” Takorloorsin­naaviuk kif­fap as­sani isaal­lugu itum­maminik nuian­nguaq Imarsuup kil­lin­ngusaani nuisoq uut­toraa? Kif­fap im­maqa taman­na pingaarutilit­tut isigin­ngilaa. Elial­li taman­na pingaarutilit­tut isigigamiuk kif­fani ingerlaan­naq ima peq­quaa: “Akabi oqarfigiar­toruk hestit qamutinut pitoriarlugit am­mukaq­qul­lugu sial­lilil­lar­pat aq­qut ingerlavis­saajun­naas­sam­mat.” – 1 Kng 18:44.

13, 14. (a) Eq­qumanik­kut Elia qanoq ilaarsin­naavar­put? (b) Nakimaal­luta iliuuseqar­nis­samut sunik pis­sutis­saqar­pugut?

¹³ Elia aam­ma al­latigut maligas­siuil­luar­poq. Uagut­taaq Guutip neriorsuutaata eq­quutingajaler­nerani inuuvugut. Eliap paner­nersuaqarun­naar­nis­saa utaq­qivaa; ul­lumik­kut Guutip kif­faasa pis­sutsit aaq­qis­suus­saanerata matuma ajor­tup suujun­naarsin­neqar­nis­saa utaq­qivaat. (1 Joh 2:17) Jehovap Guutip iliuuseqar­nis­saata tungaanut Eliatut eq­qumajuar­tariaqar­pugut. Guutip er­nerata, Jiisusip, ajoqersuk­kani ima siun­nersor­pai: “Taamaat­tumik eq­qumagitsi, naluarsimi ul­loq Naalak­kas­si tikiuf­fis­saa.” (Mat­t 24:42) Ajoqersuk­kami naggatis­sap nalaani inuunermin­nik ilisiman­nin­ngin­nerat Jiisusip matumani pivaa? Naamik, naggatis­sap nalaani pis­sutsit qanoq is­sanersut nas­suiar­paa. Tamat­ta pis­sutsit aaq­qis­suus­saanerata matuma naggataatungaanut nalunaaqutip im­mik­koor­tualut­tor­taasa eq­quun­nerat takusin­naavar­put. – Matthæusi 24:3-7 atuakkit.

¹⁴ Nalunaaqutip im­mik­koor­tui tamarmik up­per­narsaataap­put tutsuiginarlutil­lu paatsuugas­saan­ngitsut. Up­per­narsaatit taamaat­tut Jehovamut kif­far­tor­nitsin­ni nakimaal­luta iliuuseqar­nis­satsin­nut kajumis­sis­sutigaavut? Imarsuup kil­lin­ngusaani nuian­nguaq Jehovap iliuuseqangajaler­neranut takus­sutis­satut Eliap isigaa. Pruf­fiiti aalajaatsoq pakatsiva?

Jehova ikiuillunilu pilluaqqusivoq

15, 16. Sunik tul­leriigin­nar­nik pisoqar­pa, Akabil­lu sunis­saa Eliap neriuutigisimas­savaa?

¹⁵ Oqalut­tuaq ima nangip­poq: “Taamaal­luni qilak nuis­serluni taar­terian­nguar­toq sial­lersorsuan­ngor­poq. Akabi qamutinut qaqeriarluni Jizre’elimut aal­lar­poq.” (1 Kng 18:45) Tul­leriigin­nar­nik pisoqar­poq. Eliap kif­faata Akabimukar­nerani nuian­nguaq nuiarujus­suan­ngormat qilak taar­tuin­nan­ngor­poq anorlersorsuan­ngorlunilu. Kiisami Israeli ukiuni pingasuni af­farmilu sial­ler­nikuunani sial­liler­poq. Nunap paq­qersimasup sialuit mil­luaan­nar­paalusooq. Sialuk kuisiin­navim­mat kuun­nguup Kishonip sinai qarsun­neqar­put qular­nan­ngitsumil­lu Ba’alip pruf­fiitiisa toqutaasut aavat kuugun­neqarluni. Israelimiut uteriitsut aam­ma Ba’alimik pal­lorfigin­nik­kun­naarlutik uf­farlutik minguiar­nis­samin­nut periarfis­saqaler­put.

¹⁶ Taamaalior­nis­saat Eliap neriuutigisimas­savaa. Im­maqa pisut im­mik­kuul­laris­sut Akabip qanoq isumaqarfiginerai eq­qarsaatigaa. Akabi peq­qis­simil­lunilu Ba’alimik pal­lorfigin­nik­kun­naas­sava? Ul­lormi tamatumani pisut taamatut al­lan­nguis­sutigisus­saagaluar­pai. Soorunami taamani Akabi qanoq eq­qarsar­nersoq ilisimasin­naan­ngilar­put. Oqalut­tuami al­las­simaan­nar­poq kun­ngi “qamutinut qaqeriarluni Jizre’elimut” aal­lar­toq. Ilik­kagaqar­pa? Al­lan­nguiniarluni aalajanger­pa? Kingusin­nerusuk­kut pisunit erser­poq al­lan­nguin­ngitsoq. Pisul­li Akabimut Eliamul­lu tamaanga kil­lin­ngil­lat.

17, 18. (a) Jizre’elimut aq­qum­mi Eliap misigisaa oqalut­tuariuk. (b) Eliap Karmelimit Jizre’elimut ar­pan­nera sooq maluginiar­nar­pa? (Aam­ma qup­per­nerup ataatungaani ilan­ngus­saq takuuk).

¹⁷ Jehovap pruf­fiitia Akabip aq­qutigisaatigut ingerlaler­poq. Taar­tumi aq­qutik­kut masarsuusuk­kut ungasis­sumut angalasus­saavoq. Im­mik­kuul­laris­sumil­li pisoqar­poq.

¹⁸ Elia Jehovap “as­saanit pis­satsin­neqar­poq, qiteruseriarluni Akabip sior­nani ar­pap­poq Jizre’eli tikivil­lugu”. (1 Kng 18:46) Ersarip­poq ‘Jehovap as­saata’ Elia tupin­nar­tulior­nik­kut pis­satsik­kaa. Jizre’eli 30 kilometerisut ungasitsigisumiip­poq Elialu inuusuk­kun­naareerluni.a Takorlooruk pruf­fiiti ar­pal­luarsin­naajumal­luni qal­lersaatini takisooq sif­fis­saminut qileriarlugu aq­qutik­kut masarsuusuk­kut kun­ngip qamutaa angoriarlugu qaangerlugu ar­pat­toq!

19. (a) Eliap Guutimit nakus­satsin­neqar­nera qasujaal­lisin­neqar­neralu siulit­tuutinik sunik eq­qaasitsis­sutigaar­put? (b) Eliap Jizre’elimut ar­patsil­luni suna nalusimas­san­ngilaa?

¹⁹ Taman­na Eliamut pil­luaq­qus­sutaangaarsimas­saaq! Aatsaat taama nukit­tutigiler­neq, uum­maaritsigiler­neq qasujaatsigiler­nerlu nuan­naarutigingaarsimas­savai. Tamatumun­nga tun­ngatil­lugu nunarsuarmi paratiisis­sami aalajaatsut peq­qis­sil­luin­nar­nis­saat nuk­kan­nis­saal­lu pil­lugit siulit­tuutit neriorsuutil­lu im­maqa eq­qaavavut. (Esaja 35:6 atuaruk). Eliap aq­qutik­kut masarsuusuk­kut ar­patsil­luni Ataataminit, Guutimit ilumoor­tutuamit, Jehovamit iluarineqarluni nalusimas­san­ngilaa.

20. Jehovamit pil­luaq­quneqarumal­luta susariaqar­pugut?

²⁰ Jehovap pil­luaq­qorusungaar­paatigut. Pil­luaq­qus­sutai erlin­nar­tuum­mata pil­luaq­quneqarumal­luta sapin­ngisatsin­nik iliuuseqar­tariaqar­pugut. Eliatut eq­qumasariaqarlutalu ul­luni mak­kunani navianar­tuni ilungersunar­tunilu Jehovap iliuuseqangajaler­neranut up­per­narsaatit paatsuugas­saan­ngitsut eq­qarsaatigeq­qis­saar­tariaqar­pavut. Eliatut Jehovap, “Guutip sal­lusuitsup”, neriorsuutaasa tatigil­luin­nar­nis­saan­nut pis­sutis­saqarluar­pugut. – Tit 1:2.