Toqusimasut uummaqqissinnaasoraagit?

AKISSUT BIIBILIMEERSOQ

‘Toqusut makikkumaarput.’ — Apustilit Suliaat 24:15.

TAMANNA QANOQ ILUAQUTIGISINNAAGIT

Asasat toqukkut qimaguppat tuppallersarneqassaatit. — 2 Korinthimiut 1:3, 4.

Toqunissat annilaangatigiunnaassavat. — Hebræerit 2:15.

Asasat toqukkut annaasimasat najoqqilersinnaavat. — Johannesi 5:28, 29.

BIIBILIMI ALLASSIMASUT UPPERISINNAAVAVUT?

Aap, ilaatigut uku pingasut pissutigalugit:

• Guuti inuunermik Pinngortitsisuummat. Jehova Guuti Biibilimi ‘inuunerup puilaffiatut’ allaatigineqarpoq. (Tussiaat 36:10; Apustilit Suliaat 17:24, 25) Pinngortitanik tamanik uumassusiliisoq soorunami toqusimasunik uummartitseqqissinnaavoq.

• Itsaq Guuti toqusimasunik makititsinikuummat. Biibilimi inuit — inuusuttut, utoqqaat, angutit arnallu — pisimasuni arfineq-pingasuni nunarsuarmi inuunissamut makitinneqartut allaatigineqarput. Ilaat sivikitsuinnarmik toqungasimapput, taakkuali ilaat ulluni sisamani ilivermiissimavoq! — Johannesi 11:39-44.

• Guuti makititseqqinnissaminut piumassuseqarmat. Jehovap toqu uumigaa; akeqqatut isigaa. (1 Korinthimiut 15:26) Akeqqap taassuma ajugaaffiginissaa ‘kipilerfigaa’, makititsinermigut toqu suujunnaarsissavaa. Eqqaamasinnaassutsiminiittunik makititsinissani taakkualu nunarsuarmi inuuleqqinnissaat qilanaaraa. — Jobi 14:14, 15.