Allanut isumassuinikkut Jehova maliguk
1 Ilumoortumik allanut isumassuinerni Jehova maligassaalluarnerpaavoq. Silarsuarmi kisimi oqartussaasutut inuit pisariaqartitaat nakkutigeqqissaarpai. (1 Pît. 5:7) Jesusip ajoqersukkani kajumissaarpai Ataatami pissusii malinniaqqullugit, taassumami seqerni ajortunut ajunngitsunullu nueqqusarpaa, sialleqqusisarlunilu iluartunut iluaatsunullu. (Mat. 5:45) Jehova malissinnaavarput ilumoorluta allanut isumassuisarnitsigut, naapitagut tamaasa Naalagaaffiup tusarliussaanik oqaluttuunnissaannik piareersimalluta. Atuagassiaaqqat juulimi agguaatassagut ilisimalluarutsigit, allat anersaakkut ikiorumallugit neqeroorluarsinnaanerussaagut. Siunnersuutit tulliuttut pulaaqqaarnermut kingornalu soqutiginninneq malittaralugu pulaaqqiinermut qanoq piareersartoqarsinnaasoq isumassarsisitsisinnaapput.
2 Atuagassiaaraq „Guutip ilumut soqutigaatigut?“ neqeroorutigigukku ima oqarsinnaavutit:
◼ „Eqqarsaatigisimaviuk Guutip ilumut soqutigigunitigut sooq inuit naalliunneri akuerisimanerai? [Pulaakkat akili.] Atuagassiaaraq una naammaginartunik akissuteqaannarani, aammattaarli takutippaa Guuti neriorsuisimasoq inuit imminnut nunamullu ajoqusiineri tamaasa aaqqinniarlugit.“ Qupperneq 27-imi immikkoortoq 23 atuaruk. Assiliaq quppernerup ataaniittoq takutiguk taavalu immikkoortoq 22-imi Tussiaat 145:16 atuaruk. Atuagassiaaraq neqeroorutigiuk. Pulaakkap atuagassiaaraq tiguppagu tullianik pulaaqqikkuit akisassannik apeqquteqarsinnaavutit, soorlu ima: „Paaserusussinnaaviuk Guutip siunertani qanoq naammassiumaaraa inuillu pilluaqqullugit nunarsuarlu paratiisinngortillugu?
3 Atuagassiaaqqamik „Guutip ilumut soqutigaatigut?“-mik pisimasunut pulaaqqikkuit oqaloqatigiinneq nangeqqillugu ima oqarsinnaavutit:
◼ „Kingullermik oqaloqatigiissutigaarput ilumut Guutip soqutigigaatigut, aammalu siunertarigaa inuit imminnut nunarsuarmullu ajoqusiisimaneri iluarsissagai.“ Assiliaq qupperneq 2 aamma 3-imiittoq takutiguk imalu oqarlutit: „Kingullermik apeqqut una naggasiutigaarput: Qanoq ililluni Guutip siunertani naammassissavaa inuillu pilluaqqullugit nunarsuarlu paratiisinngortillugu? Qanoq isumaqarpit?“ Pulaakkat akili. Qupperneq 17 qupperuk immikkoortorlu 2 aamma Daniel 2:44 atuaruk. Taava qupperneq 19-imi immikkoortoq 12 atuaruk. Pulaakkat aperiuk atuagassiaaqqami immikkoortoq 9 sammeqatigiissutigerusunneraa. Ajunngitsumik qisuariarpat atuaqqissaarneq aallartissinnaavat.
4 Aajuna aallarniut atorneqarsinnaasoq atuagassiaaraq „Asasamik toqusoqaraangat“ neqeroorutigigukku. Saqqaa takutiguk imalu oqarlutit:
◼ „Ullumikkut atuagassiaaraq neqeroorutigaarput qanigisamik annaasaqarsimasut amerlasuut atuarlugu nuannarigaarsimasaat. Eqqarsaatigisimaviuk toqusut sumik neriuutissaqarnersut? [Pulaakkat akili.] Toqusut makinnissaat pillugu Guutip neriorsuutaa Biibilimi erseqqissumik oqaluttuarineqarpoq.“ Juánase 5:28, 29 atuaruk. Qupperneq 28-imi immikkoortoq kingullermi quppernerlu 31-imi immikkoortoq siullermi eqqarsaatit oqaaseqarfigikkit. Assilissat taakkununnga tunngasut takutikkit, atuagassiaararlu neqeroorutigalugu. Pulaaqqinnissat aqqutissiorsinnaavat ima aperalutit: „Qanoq ililluta qulakkeersinnaavarput toqu naggataatigut peerukkumaartoq?“
5 Atuagassiaaqqamik „Asasamik toqusoqaraangat“ tunniussiffigisimasannut saqqummiussineq una atorsinnaavat:
◼ „Kingullermik makititaanissamik neriuut nuannersoq oqaloqatigiissutigaarput. Atuagassiaaqqap ilinnut tunniussama nassuiarpaa sooq upperisinnaagipput toqu naggataatigut peerukkumaartoq. Neriorsuutit taamaattut Guutimeersut tuppallersaataannginnerpat toqqissiallaataassannginnerpallu ilumut tatigisinnaanerlugit paasigaanni?“ Pulaakkat akili. Atuagassiaaqqami qupperneq 31 qupperuk immikkoortullu aappaat pingajuallu, aamma sarĸúmersitat 21:1-4 atuakkit. Pingaarnerusumik toqunngisaannarluta inuusinnaanissatsinnik siunissaqartinneqarnerput erseqqissaruk. Soqutiginninneq pissutsillu apeqqutaatillugit atuagaq ’Ilisarsineq’ atorlugu atuaqqissaaqatiginninnissaq neqoroorutigisinnaavat imaluunniit apeqquteqarsinnaavutit tullianik pulaaqqikkuit akisassannik.
6 Atuagassiaaraq „Inuuneq sumik siunertaqarpa? Qanoq ililluni nanineqarsinnaava?“ saqqummiukkukku ima oqarsinnaavutit:
◼ „Inuppassuit tupigusuutigisarpaat inuunerup suna siunertarineraa. Aperisarput: ’Sooq maaniippunga? Suna tamarmi qanoq kinguneqassava? Siunissara qanoq ittuuva? Apeqqutit tamakku akissutissaqarsoraagit? [Pulaakkat akili.] Malugiuk Biibili qanoq oqarnersoq. [Tussiaat 36:10 atuaruk.] Ilimanannginnerpa inuup Pinngortitsisuata sooq maaniinnersugut nassuiarluarsinnaanerussagaa? [Pulaakkat akili.] Atuagassiaaqqap uuma takutippaa Guutip sumik siunertaqarfigigaatigut.“ Qupperneq 20 aamma 21 qupperuk, assiliartaata oqaasertai atuakkit assiliarlu oqaaseqarfigalugu; taava atuagassiaq neqeroorutigiuk. Tiguppagu ima aperisinnaavat: „Qanoq ililluta nalunngissinnaavarput nunami paratiisiusumi inuit naassaanngitsumik inuunissaat suli Guutip siunertarigaa?“ Pulaaqqinnissannik piffissamik isumaqatigiissuteqarfigiuk.
7 Atuagassiaaqqamik „Inuuneq sumik siunertaqarpa? Qanoq ililluni nanineqarsinnaava?-mik pisimasunut ima oqarsinnaavutit:
◼ „Kingullermik oqaloqatigiinnerput nuannaarutigaara, eqqartoratsigu Guutip oqaasia naapertorlugu inuuneq siunertaqartoq.“ Assiliaq qupperneq 31-miittoq takutiguk, aperalutillu: „Qanoq ililluta nalunngissinnaavarput nunami paratiisiusumi inuit naassaanngitsumik inuunissaat suli Guutip siunertarigaa?“ Qupperneq 20-imi immikkoortoq 3 atuaruk. Eqqarsaatit qupperneq 21-imi immikkoortumi „Suli Guutip siunertaraa“-miittut eqqartukkit. Atuagassiaaqqap tunuani akeqanngitsumik angerlarsimaffimmi atuaqqissaaqatigineqarnissamik neqeroorut takutiguk. Atuagaq ’Ilisarsineq’ takutiguk Biibilimillu atuaqqissaarnermi qanoq ililluta iluaqutigigipput takutikkumallugu neqeroorfigiuk.
8 Kiffartuussinitta takutittariaqarpaa ajunngitsumik isumallit ’sallusuissummik ilisarsileqqullugit’ ilumoorluta ikiuerusunnerput. (1 Tim. 2:4) Taamaattumik atuagassiaaqqamik agguaassiffigisimasatit pulaaqqikkumallugit piffissamik immikkoortitsigit. Ilumoorluta inuit isumassorutsigit eqqunngitsumik upperisarsiornerup iluani maajunnartuliornernik kappialaatiginnittut ikiorsinnaavagut, annannissamut nalunaaqutserneqaqqullugit. (Hes. 9:4, 6) Aammattaaq nuannaarneq naammagisimaarnerlu misigissavarput nalunnginnatsigu Jehova assigalugu allanik ilumoorluta isumaginnilluarnermik takutitsinerput. — Naleqqiuguk Filípimiut 2:20. (kmD 7/96 Efterlign Jehova ved at vise ægte . . .)