Atuagassiaaraq Biibilimi suna tusarliunneqarpa? inunnut neqeroorutigiuk!
1. Novembarip qaammataani suna neqeroorutigissavarput, atuagassiaararlu sooq saqqummersinneqarsimava?
1 2009-mi ataatsimeersuarnermi “Eqqumagitsi!”-mik qulequtalimmi atuagassiaaraq qulequtaqartoq Biibilimi suna tusarliunneqarpa? saqqummersinneqarpoq. Novembarip qaammataani ilagiit nunarsuaq tamakkerlugu siullerpaamik neqeroorutigissavaat. Biibililersaarut taanna angalaarfigisartakkatsinni inunnut qanoq iluaqutaasinnaava? Inuit amerlanerit, pingaartumik kristumiussutsimik upperisaqanngitsut, Biibilimik immannguaannaq ilisimasaqarput. Taammaattumik atuagassiaaraq taanna, soorlu quppernermi 3-mi nassuiarneqartoq, inuit ‘Biibili pillugu tunngaviusumik ilisimasaqalernissaannik’ tuniumallugit suliarineqarsimavoq.
2. Atuagassiaaraq qanoq neqeroorutigineqarsinnaava?
2 Qanoq neqeroorutigisinnaagipput: Assersuutigalugu ima oqarsinnaavugut: “Uani allassimasoq pillugu isummat tusarusupparput. [2 Timotheusi 3:16 atuaruk]. Inuppassuit oqaloqatigisatta uani allassimasoq isumaqataaffigaat; allat atuagaannartut nuannersutut isigaat. Illit qanoq isumaqarpit? [Pulaagaq akili]. Qanorluunniit upperisaqaraluaraanni Biibilip nammineq misissornissaa pitsaassaaq. [Atuagassiaaqqami ilitsersuut qupperneq 3-mi qullermiittoq atuaruk]. Atuagassiaaqqami uani Biibilip imarisaanik naalisagaq sunniuteqarluartorlu atuarukku soqutiginartumik paasisaqassaatit; tassa Biibili aalajangersimasumik sammisaqartoq aalajangersimasumillu tusarliussaqartoq.”
3. Pingaartumik kristumiuussusermik tunuliaqutaqanngitsut amerlasuut najugaqarfianni saqqummiinneq suna alla atorsinnaavarput?
3 Pingaartumik kristumiuussusermik tunuliaqutaqanngitsut amerlasuut imaluunniit upperisaqanngitsut najugaqarfianni saqqummiinnermi periarfissaq alla imaappoq: “Biibilimi (imaluunniit atuakkami illernartumi uani) allassimasoq pillugu illit isummat tusarusupparput. [Tussiaat 37:11 atuaruk] Siulittuut una eqquuppat nunarsuaq qanoq isikkoqassangatippiuk? [Pulaagaq akili.] Uani atuagarput takussutissaavoq, inuit kulturini tamaneersut assigiinngitsorpassuarnillu tunuliaqutallit Biibilip neriuuteqalersissinnaagai.” Quppernermi 3-mi qullermiittoq ilitsersuut atuaruk atuagassiaararlu neqeroorutigalugu.
4. Atuagassiaaraq Biibilimik atuaqqissaaqateqalernissamut aallarniutitut qanoq atorsinnaavarput?
4 Biibilimik atuaqqissaaqateqarneq aallartiguk: Pulaaqqiinermi pulaagarput siuliani oqaloqatigiissutigisimasatsinnik eqqaasissinnaavarput immikkoortorlu ataaseq marlulluunniit kingullermik eqqartorsimasavut uteqqilaarlugit. Atuagassiaaqqami immikkoortuni 26-ni apeqqutit naggataaniittut atortakkit. Atuagaq Biibilimi sorpiaat ajoqersuutigineqarpat? ingerlaannaq aallartikkusukkutsigu, atuagassiaaqqap tunuaniittoq atuakkamut tassunga ilitsersuut atuaqatigiissutigisinnaavarput. Taava atuagaq tunniussinnaavarput aperalugulu kapitali sorleq soqutiginartinneruneraa, kapitalimilu tassani immikkoortoq ataaseq marlulluunniit atuaqatigiissutigalugit. Atuagassiaaraq taanna neqeroorutiginiarlugu novembarimi suliniuteqarnermut tamatta pimoorussilluta peqataasa!