Apeqquteqartarfik
◼ Kiffartornermut ataatsimiititameersut ilaata qinnuteqarneratigut qatanngummik angummik arnamilluunniit unittoorsimasumik Biibilimik atuaqqissaaqateqarnissaq suli eqqortuua?
Utoqqaanertat ilagiinnik isumassuinissartik akisussaaffigaat, aamma unittoorsimasunik. Taakkununnga pulaartarput aalajangertarlugulu qanoq inuttut ikiorneqassanersut. Naleqquppat unittoorsimasumik Biibilimik atuaqqissaaqateqaqqittoqarnissaanik neqeroorfiginnittoqarsinnaavoq. Atuakkami Organiseret til at fuldføre vor tjeneste-mi quppernermi 99-imi nassuiarneqarpoq kiffartornermut ataatsimiititap aalajangersinnaagaa kia taamatut ikiorneqaruni iluaqutigisinnaassagaa.
Kiffartornermik nakkutilliisoq aalangiisinnaavoq kina ikiuilluarsinnaanerunersoq, suna atuaqqissaassutigineqassanersoq naqitaatitsinnilu sammineqartut suut sammissallugit naleqqunnerpaanersoq. Immaqa pitsaanerpaassaaq pineqartumik aallaqqaammut atuaqqissaaqatiginnissimasoq, imaluunniit pineqartup ilisarisimalluagaa ataqqilluagaalu, tamatuminnga suliassinneqarpat. Qatanngut arnaq pikkorissoq inersimalluartorlu qatanngummik arnamik unittoorsimasumik ikiueqquneqarsinnaavoq. Pisariaqarneq ajorpoq tamatuminnga suliassinneqarsimasup oqaluussisartumik allamik ilaqarluni unittoorsimasumik atuaqqissaaqateqarnissaa. Oqaluussisartumik taamatut atuaqqissaaqatiginneqquneqartup piffissaq tamatumunnga atorsimasani, pulaaqqiisarnini atuaqqissaarnerlu nalunaarutigisinnaavai. — Takuuk Naalagaaffimmut Kiffartorneq novembari 1987-imoortoq, qupperneq 1, 2.
Unittoorsimasoq kuisimammat sivisunerusumik atuaqqissaaqatiginissaa pisariaqarneq ajorpoq. Anguniagaq tassaavoq pineqartup kristumiut ataatsimiinnerinut najuuttaleqqinnissaa nutaarsiassamillu nuannersumik aalajangersimasumik oqaluussissutiginnittaleqqinnissaa. Siumukarnersoq kiffartornermik nakkutilliisup eqqumaffigissavaa. Ikiuineq asannittoq tamanna qatanngutit angutit arnallu Jehovamut akisussaassuseqarnerminnik nammalernissaminnut sallusuissummillu ’manngoqarfigalugulu tunngaveqalernissaminnut’ iluaqutigisinnaavaat. — Evfisumiut 3:17; Galâsiamiut 6:5.