Naalagaaffiup Nutaarsiassaatai nr. 36 atorlugu soqutiginninneq qanoq nanginneqarsinnaasoq
1 Naalagaaffiup Nutaarsiassaatai nr. 36 ilagiissinni agguaallugu naammassivisiuk? Naqitaaraq apeqqutinik tamarmik eqqarsaatigisassaannik pisariaqartunik apeqquteqarpoq: „Ukiut tusindillit nutaat — siunissaq ilinnut qanoq ittuussava?“ Ukiunut tusindinut nutaanut ilimagisat ukiup 2000-p tungaanut assigiinngitsorpassuupput. Naalagaaffiup Nutaarsiaatai nr. 36-mi ilimagisat taakkua ilaat eqqaaneqarput eqqaasillutalu silarsuup atugarisaata isumalluarnissamut pissutissaqartinngikkaatigut. Ukiuni tusindini eqqissinermik sioorannginnermillu inuit amerlanerit kissaatigisaannik pilersitsiffissatuaq tassaavoq Jesus Kristusip ukiuni tusindini naalakkersuinera. Naalagaaffimmik tamatuminnga tatiginninnitta Naalagaaffiup Nutaasiassaatai nr. 36-p siaruartigaalluarnissaanut kajumissisippaatigut.
2 Naalagaaffiup Nutaarsiassaatai-sa qisuariarfigineqarneri. Naalagaaffiup nutaarsiassaatai agguaattakkavut siulliit uagutsinnut kaammattuutaasimaqaat. Naalagaaffiup Nutaarsiassaatai nr. 35 pillugu Canadami immikkoortortaqarfik ima allappoq: „Oqaluussisartut pioneerillu suliniarnersuaq immikkut ittoq qiimallutik tapersersorsimavaat, misigisimasallu nuannaajallannartut nuannaarutigisimaqalutigit.“ Qularnanngitsumik illit Naalagaaffiup Nutaarsiassaatai nr. 36-p agguaannerani taamatut qiimmattaatigissavat.
3 Suliniarnersuaq maanna atuuttoq pilersaarut naapertorlugu novembarip 19-iani 2000 naassaaq. Siunertaavoq ilagiit angalaarfigisartagai tamarmik angalaarfigineqarsimassasut. Angumerisimanngikkussiuk suliniarnersuaq novembarip naanissaata tungaanut ingerlaqqissanersoq utoqqaanertat aalajangissavaat.
4 Angalaartarfissinni naqitaaqqap sunniutaa qanoq malugisimavisiuk? Immaqa ilaasa atuagassiaaraq Guutip sumik piumaffigaatigut? piniarlugu imaaluunniit Biibilimik atuaqqissaatalerniarlutik immersugassaq immersorsimavaat. Soqutiginnilersimasulli amerlanerit Jehovap Nalunaajaasuinit pulaarneqaqqitsinnatik namminneq iliuuseqarunarnavianngillat. Soqutiginninnermik ersersitsisimasut tamarmik sukkanerpaamik pulaarneqaqqittariaqarput.
5 Naalagaaffiup Nutaarsiassaatai nr. 35-mik pisimasut uterfigeqqinnerisigut misigisimasat maluginiariakkit. Irlandimi pioneerip neriniartarfiutilik naqitaaqqamik tunivaa. Pulaarneqartup qulequttaanut soqutiginninnini pissutigalugu qatanngut arnaq aggeqqeqquaa. Ullut marluk qaangiummata qatanngut arnaq pulaaqqippoq Biibilimillu atuqqisaaqatigilerlugu. Danmarkimi angerlarsimanngitsoq naqitaaqqamik qimatsivigineqarpoq. Ulloq taanna illup inuttaata immersugassaq immikkoortortaqarfimmut, ilagiinnut taassuma illoqarfianiittumut ingerlatitseqqittumut, nassiussimavaa. Sapaatip akunnera taanna naarianngitsoq qatanngutit arnat marluk pulaarpaat Biibilimillu atuaqqissaaqatigilerlugu arnarlu taassuma naalagaaffilersaarfimmi ataatsimiinneq siullerpaamik ilaaffigaa.
6 Aggeqqikkuit qanoq oqarsinnaasutit: Naalagaaffiup nutaarsiassaatai-nik pisimasunit pulaaqqiineq kiffartornitsinni piuminarnerpaartaralugulu nuannernerpaat ilagaat. Pulaaqqiininni naqitaaraq pulaakkavit tigumminngippagu pitsaassaaq naqitaaqqamik allamik nassataqaruit. Immaqa siunnersuutit tulliuttut atorsinnaavatit.
7 Pulaakkat kinaaninni eqqaasiguk, oqarlutillu:
◼ „Qanittumi naqitaaqqamik tunivakkit ima qulequtalimmik: ’Ukiut tusindillit nutaat — Siunissaq ilinnut qanoq ittuussava?’. Jesusip erniinnaq naalagaaffimmik ukiuni tusindini atasussamik nunarsuarmi paratiisinngortitsisussamik pilersitsinissaanik paasissutissaq maluginiarpiuk? [Naalagaafiup nutaarsiassaatai nr. 36-mi assiliaq paratiisi takutiguk] Quppernermi kingullermi atuagassiaaqqamik Guutip sumik piumaffigaatigut-mik inniminniinissamut kajumissaaruteqarpoq.“ Atuagassiaaraq takutiguk, ilinniagassaq 5 qupperuk, apeqqut siulleq atuaruk immikkoortullu 1 2-lu atuarlugit. Pulaakkavit oqaaseqarfigerusunneraa aperiuk. Allassimaffik ataaseq marlulluunniit atuariarlugit eqqartorsigit. Ajornanngippat apeqqummut immikkoortumullu tullermut ingerlaqqigit, aperiullu atuagarsi nanginniarlugu pulaaqqissinnaanerlugu.
8 Novembarimi neqeroorutissamut nanginnertut „Guutip sumik piumaffigaatigut?“-mut imaluunniit ’Ilisarsineq’-mut tunngatillugu ima oqarsinnaavutit:
◼ „Kingullermik maaniikkama naqitaaqqamik ima qulequtalimmik tunivakkit: ’Ukiut tusindillit nutaat — Siunissaq ilinnut qanoq ittuussava?’. Tassani Biibilimik atuaqqissaartalernissamik akeqanngitsumik neqerooruteqarpoq. Takutikkusukkaluarpara suut atortarnerivut. [Atuagassiaaraq Gutip sumik piumaffigaatigut? takutiguk, quppernerlu kingulleq takutillugu; imaluunniit atuagaq ʹIlisarsineqʹ takutiguk 188-89-mullu qupperlutit.] Assilissap uuma takutippaa ukiuni tusindini naalagaaffiup ataani Biibilimi allassimasutut nunarsuarmi pissutsit qanoq ikkumaarnersut. Paratiisimi inuulerumagaanni Guutip uagutsinnut piumasaqaatai nalunngittariaqarpavut. Biibilimik atuaqqissaaraangatta atuagassiap/atuakkap qanoq atorneqartarnera naatsunnguamik takutilaarlara.“
9 Naalagaaffiup Nutaarsiassaatai nr. 36-mik agguaassinitta oqaluussinerup annertusinissaanik kajumissisissimassavaatigut, nalunaajaanermullu annertuumik peqataajumalersilluta. Qularnanngitsumik naqitaaraq aamma oqaluussiffigisartakkani amerlasuuni soqutiginnilersitsisimassaaq. Ilimagilluinnarsinnaavarput uppeqativut ilagalugit, Jehova ikiortigalugu soqutiginninnerit malinnaaffigigutsigik, savanik assersuutaasunik suli amerlanerusunik nassaarnermik kinguneqarumaartoq. — Matt.10:11; ap. sul. 13:48, 49, 52.