Apeqquteqarfik

◼ Matumi atuaqqissaaqateqarnermi qinnummik aallarniillunilu naggasiisoqartariaqarpa?

Biibilimik atuaqqissaaqateqarnermi qinnummik aallarniineq naggasiinerlu iluaqutissarpassuaqarpoq. Qinunikkut Jehovap anersaava illernartoq qinnutigisarparput. (Luk 11:13) Qinugaangatta atuaqqissaaqatitta Biibilimik atuaqqissaarnerup pimoorussassaanera paasisarpaa qanorlu qinusoqarsinnaanera ilinniartarlugu. (Luk 6:40) Taamaattumik, siusissukkut qinunermik aallarniissarnissaq pitsaasuuvoq. Atugarisat assigiinngitsuusarmata, matumi atuaqqissaaqateqartup qinussanerluni naliliisinnaassutsini atussavaa.

Atuaqqissaaqateqarneq sumi pinersoq eqqarsaatigineqartariaqarpoq. Eqqissisimaffiukannersumi, aalajangersimasumi atuaqqissaaqateqartarnermi maluginiarnanngitsumik naatsumik qinunermik aallarniisoqarsinnaallunilu naggasiisoqarsinnaassaaq. Allanulli maluginiarnartuuppat imaluunniit atuaqqissaaqatigisartagaq paqumisuppat, pitsaanerussagunarpoq eqqissisimaffiunerusumi qinunissaq utaqqisikkaanni. Sumiluunniit atuaqqissaaqateqaraluarutta, qaqugu qinnummik aallarniissanerluta naggasiissanerlutaluunniit naliliisinnaassuseqartariaqarpugut. — Takuuk Rigets Tjeneste marsi 2005-imeersoq qupp. 4.