Jehovap neriorsuutai qanoq upperilluartigaagit?

Josvap Salomollu Jehovap oqaasiisa ilaat ataasinnguarluunniit qammuinnarsimanngitsoq uppernarsarpaat. (Jos 23:14; 1 Kng 8:56) Ilisimannittut tutsuiginartut taakkua marluk nalunaajaataat uppernitsinnut tunngavigisatta ilagaat. – 2 Kor 13:1; Tit 1:2.

Josvap nalaani Jehovap neriorsuutini qanoq eqquutitippai? Isiginnaagassiaq ‘Ikke ét ord er slået fejl’ ilaquttatillu isiginnaariarlugu apeqqutit uku eqqartorsigit: (1) Rahabip uppernikkut suliai qanoq ilaarsinnaavigit? (Hebr 11:31; Jaak 2:24-26) (2) Akani pillugu oqaluttuamit qanoq ersersinneqarpa piaaraluni naalannginnerup ajorluinnartumik kinguneqartarnera? (3) Gibeonimiut sorsuttartuugaluarlutik sooq Josva salloqittarlugu Israelikkunnik eqqisseqateqarpat? (4) Amorikkut kunngii tallimat Israelikkunnik sioorasaarimmata Jehovap oqaasii qanoq eqquuppat? (Jos 10:5-14) (5) Guutip naalagaaffianik naapertuilluarneranillu salliutitsininni Jehova illit pillutit qanoq iliuuseqarsimava? – Matt 6:33.

Jehovap iliuuserisimasai, iliuuserisai iliuuseriumaagaalu eqqarsaatigigaangatsigit neriorsuutai upperinerulertarpavut. – Rom 8:31, 32.