Sorsuttoqartuarneranut pissutaasut
Sorsuttoqartuarneranut pissutaasut Biibilimi nassuiarneqarput.
AJORTI
Guutip inuit siulliit, Adami Evalu, imminik assililluni pinngortippai. (Mosesimik 1. 1:27) Taamaammat Guutip pissusii, ilaatigut eqqissineq asanninnerlu, ilaarluarsinnaavaat. (Korintimiunut 1. 14:33; Johannesimit 1. 4:8) Adamili Evalu Guutimut naalanngillutik ajortuliorput. Uagut taakkununnga kinguaajugatta tamatta ajorti kingornupparput toqusarlutalu. (Romamiut 5:12) Tamatuma kingunerisaanik eqqarsaatipiloqartarpugut inuillu ilarpassui nakuusertarlutik. – Mosesimik 1. 6:5; Makkorsi 7:21, 22.
INUIT NAALAKKERSUINERAT
Guutip inunnut allanut naalakkersuisussatut pinngortinngilaatigut. Biibilimi allassimavoq ‘angalaartup aalajangigassarinngikkaa allorarnini’. (Jeremia 10:23) Taamaattumik inuit naalakkersuisut sorsunnerit unitsivissinnaanngilaat.
SAATANI ANERSAAPILUILLU
Biibilimi paasitinneqarpugut ‘Diaavulup inuit pissaaneqarfigigai’. (Johannesimit 1. 5:19) Saatani Diaavulu toqutsiumatuujuvoq. (Johannesi 8:44) Inuit taassumannga anersaapilunnillu sunnerneqarlutik sorsuttarlutillu nakuusertarput. – Saqqummersitat 12:9, 12.
Sorsuttoqarneranut pissutaasut inuit peersinnaanngilaat, Guutili taamaaliorsinnaavoq.