Nalunngeqatigin­nissutsit tutsuiginarpa?

1, 2. Kia nalun­ngeqatigin­nis­suseqar­tip­paatigut, aam­ma sooq taman­na qujamasuutigisin­naavar­put?

JEHOVAP GUUTIP inuit nam­min­neq piumasamit­tut iliorsin­naatil­lugit, tas­sa nam­mineq aalajangiisin­naatil­lugit, pin­ngor­tip­pai. Eq­qor­tumik aalajangiisin­naaq­qul­luta Jehovap siulersuisus­satsin­nik tunivaatigut. Siulersuisoq taan­na nalun­ngeqatigin­nis­susermik taaneqar­tar­poq, taan­nalu ilutsin­niit­tuuvoq suup eq­qor­tuuneranik eq­qun­ngitsuuneranil­lu naliliisin­naas­suseqar­titsisoq. Nalun­ngeqatigin­nis­suser­put eq­qor­tumik atoraangatsigu ajun­ngitsulior­nis­satsin­nut ajor­tuliun­ngin­nis­satsin­nul­lu iluaqutigisar­par­put. Nalun­ngeqatigin­nis­suser­put Jehovap uagutsin­nik asan­nin­neranut ingerlal­luar­nis­satsin­nil­lu kis­saatigin­nin­neranut up­per­narsaataavoq.

² Ul­lumik­kut inuit ilaasa najoq­qutas­siat Biibilimeersut nalugaluarlugit ajun­ngitsulior­tar­put ajor­tul­lu uumigisarlugit. (Romamiut 2:14, 15 atuak­kit). Sooq taamaap­pa? Nalun­ngeqatigin­nis­suteqaramik. Taman­na pis­sutigalugu inup­pas­suit ajor­tulior­naveersaar­tar­put. Takorlooruk kik­kut tamarmik nalun­ngeqatigin­nis­suseqan­ngitsuup­pata silarsuaq qanoq ajor­tigis­sagaluar­toq, ajoreersut ajor­nerus­sagaluar­put! Jehovap inuit nalun­ngeqatigin­nis­suseqar­tim­magit qujamasuutigaar­put!

3. Nalun­ngeqatigin­nis­suser­put ilagiin­ni qanoq iluaqutigaar­put?

³ Inuit amerlanerit nalun­ngeqatigin­nis­susermik sungiusar­nis­saa eq­qarsaatigineq ajor­paat. Jehoval­li in­nut­taasa nalun­ngeqatigin­nis­suser­tik eq­qor­tumik atorusup­paat ilagiin­ni ataasius­suseqar­nerulersitsinis­samut iluaqutaal­luarsin­naam­mat. Eq­qor­tut eq­qun­ngitsul­lu, ajun­ngitsut ajor­tul­lu, pil­lugit najoq­qutas­sianik Biibilimeersunik nalun­ngeqatigin­nis­sutsitsin­nit eq­qaasin­neqarusup­pugut. Nalun­ngeqatigin­nis­suser­pul­li sungiusas­sagutsigu iluaqutigis­sagutsigulu Biibilimi ajoqersuutigineqar­tut ilin­niar­nis­saat naam­man­ngilaq. Guutip najoq­qutas­siai nuan­narisariaqar­pavut uagutsin­nul­lu iluaqutaaneri up­perisariaqarlugu. Paulusi ima al­lap­poq: “Taama peq­qusinik­kut siuner­tarineqar­poq asan­nin­neq uum­mam­mit minguitsumit ilerasuuteqan­ngin­nermil­lu up­per­nermil­lu piviusumik naggueqar­toq.” (1 Tim 1:5) Nalun­ngeqatigin­nis­suser­put sungiusaraangatsigu sumigin­nar­naveersaaraangatsigulu Jehovamik asan­nin­neruler­tar­pugut up­perin­nin­neruler­tarlutalu. Nalun­ngeqatigin­nis­sutsit­ta qanoq ator­nera Jehovamut qanoq qanitsiginitsin­nut up­per­narsaataal­lunilu taas­suman­nga qanoq iluarisaarusutsiginitsin­nut ersiutaavoq. Aam­ma nalun­ngeqatigin­nis­suser­put inut­tut qanor­piaq it­tuunitsin­nut paasinarsisitsivoq.

4. Nalun­ngeqatigin­nis­suser­put qanoq sungiusarsin­naavar­put?

⁴ Nalun­ngeqatigin­nis­suser­pul­li qanoq sungiusarsin­naavar­put? Aalajangersimasumik Biibilimik atuaq­qis­saar­tariaqar­pugut, atuak­kavut eq­qarsaatigeq­qis­saar­tariaqar­pavut ilik­kak­kavul­lu malil­lugit ilior­nis­satsin­nut Jehovamut ikioq­qusariaqarluta. Paasis­sutis­sarsior­neq inas­sutil­lu ilin­niar­nis­saat naam­maginagu iliuuseqar­nerusariaqar­pugut. Biibilimik atuaq­qis­saaraangat­ta Jehovap ilisarisimaneruler­nis­saa siuner­tarisar­par­put. Kinaas­susilit­tut qanoq it­tuunersoq, suut nuan­narinerai suul­lu nuan­narin­ngin­nerai, nalujun­naar­tar­par­put. Jehova ilisarisimanerujar­tor­til­lugu taas­suma eq­qor­tutut eq­qun­ngitsutul­lu isigisai pil­lugit nalun­ngeqatigin­nis­sutsit­ta paasitipal­lat­tar­paatigut. Nalun­ngeqatigin­nis­suser­put sungiusar­nerujar­tor­til­lugu Jehovatut eq­qarsar­nerujar­tulis­saagut.

5. Al­laaserisami matumani suut sam­mis­savavut?

⁵ Ukuli akis­sutis­sarserusun­nar­put: Aalajangiisariaqaleraangama nalun­ngeqatigin­nis­suseq sungiusarluagaq qanoq iluaqutigisin­naavara? Kristumioqatima nalun­ngeqatigin­nis­susia qanoq mianerisin­naavara? Nalun­ngeqatigin­nis­sutsimalu ajun­ngitsulior­nis­san­nut qanoq kajumis­sisis­sin­naavaanga? Sungiusarluak­kamik nalun­ngeqatigin­nis­suteqarfigisariaqak­kavut pingasut uku misis­soriar­tigit: (1) Peq­qin­neq, (2) aliik­kutaqar­neq, aam­ma (3) oqaluus­siner­put.

INGASAASSINAVEERSAARIT

6. Peq­qin­ner­put pil­lugu qanoq aalajanger­tar­pugut?

⁶ Biibilimi ilin­niar­tin­neqar­pugut ajoqutigisin­naasavut ingalas­simas­sagivut ileq­qutsigul­lu, soorlu nerisar­nermut imer­tar­nermul­lu tun­ngatil­lugu, ingasaas­sinias­san­ngitsugut. (Us­s 23:20; 2 Kor 7:1) Biibilimi peq­qus­sutigineqar­tut naalak­kaangatsigit peq­qiil­liun­ngin­nis­samut il­lersuutigisin­naavar­put. Sulili nap­parsimaler­tarlutalu utoq­qalisar­pugut. Qanoq aalajanger­tariaqalersin­naavugut? Nunat ilaan­ni nakorsaatit nalingin­naasut aam­ma nap­parsim­mavin­neersuun­ngitsut pineqarsin­naap­put. Qatan­ngutit katsorsaariaatsit as­sigiin­ngitsut pil­lugit im­mik­koor­tor­taqarfin­nut al­lak­katigut apeq­qutigisar­paat. Amerlasuut ima aperip­put: “Jehovamut kif­faasup katsorsaariaaseq imaat­toq imaat­torluun­niit akuerisin­naavaa?”

7. Aam­mut tun­ngasutigut qanoq aalajangiisin­naavugut?

⁷ Im­mik­koor­tor­taqarfin­ni ilagiin­niluun­niit utoq­qaaner­tat nakorsaatitigut kristumiu sin­nerlugu aalajangiisus­saan­ngil­lat, aam­ma taamaalioq­quneqaraluarunil­luun­niit. (Gal 6:5) Utoq­qaaner­tal­li kristumioqatini silatusaar­tumik aalajangiisin­naaq­qul­lugu Jehovap oqaaserisimasaanik oqalut­tuus­sin­naavaa. As­sersuutigalugu Guutip peq­quaatigut aat­tus­san­ngitsugut. (ApS 15:29) Peq­qus­sut taman­na iluaqutigalugu kristumiup paasil­luarsin­naavaa aap aalan­ngaa atorlugu aam­ma aap akuinik pingaar­nerusunik sisamanik nakorsar­tis­sin­naanani. Paasis­sutis­saq taman­na kristumiup nalun­ngeqatigin­nis­susianut sun­niuteqarsin­naavoq derivatit, tas­sa aap akuisa pingaar­ner­paat ilaan­nit im­mik­kor­tin­neqarsimasut mikisuararsuit, akuerisin­naanerlugit akuerisin­naan­ngin­nerlugil­luun­niit aalajanger­nialeruni.a Biibilimi najoq­qutas­siat al­lat nakorsaariaatsit pil­lugit silatusaar­tumik aalajangiinis­samut iluaqutigisin­naavavut?

8. Peq­qis­suuneq pil­lugu silatusaar­tumik aalajangiisin­naaq­qul­luta Filip­pimiunut al­lak­kat 4:5 qanoq iluaqutigisin­naavar­put?

⁸ Us­satit 14:15-imi ima al­las­simavoq: “Misilit­tagaqan­ngitsup tatigisar­pai oqaaserineqar­tut suut tamaasa, silatuup al­loriar­nini sianigeq­qis­saar­tar­pai.” Imaas­sin­naavoq nap­paatit ilaan­nut ul­lumik­kut katsorsaatis­saqan­ngitsoq. Taamaat­tumik katsorsaariaatsit ajorun­naarsitsisin­naanerar­neqaraluar­tut up­per­narsaatis­saqan­ngitsul­li mianersuut­tariaqar­pavut. Paulusi ima al­lap­poq: “Ingasaas­sinian­ngitsuunersi tamanit ilisimaneqalerli.” (Fil 4:5, NW) Ingasaas­sinian­ngitsuugut­ta peq­qis­sutsitsin­nut tun­ngasut pingaar­tin­nerunagit Jehovamut pal­lorfigin­nin­neq pingaar­nerutis­savar­put. Peq­qis­suunermut tun­ngasut pingaar­tin­nerulerutsigit im­minuin­naq eq­qarsaatigilersin­naavugut. (Fil 2:4) Nalun­ngilar­put silarsuarmi matumani peq­qis­sil­luin­narsin­naan­ngitsugut. Taamaat­tumik inuunin­ni Jehovamut kif­far­tor­nerup pingaar­ner­paajunera qulak­keeruk. – Filip­pimiut 1:10 atuaruk.

9. Peq­qin­neq pil­lugu aalajangiinitsin­nut Romamiunut al­lak­kat 14:13, 19 qanoq sun­niuteqar­pat, ataasius­suseqar­ner­pul­lu qanoq navianar­torsior­tin­neqarsin­naava?

⁹ Kristumiu ingasaas­sinian­ngitsuusoq nam­mineq pitsaanerusorisani al­lanut pin­ngitsaaliis­sutiginias­san­ngilaa. Europami nunat ilaan­ni aap­pariit iisar­tak­kat inuus­sutis­sar­tal­lit aalajangersimasut pineqar­tar­nis­saat im­mik­kul­lu nerisaqar­tar­nis­saq al­lanut kajumis­saarutigisar­paat. Qatan­ngutit ilaat kimigiiserfigineqaramik misiliip­put, al­lal­li taamaaliun­ngil­lat. Iisar­tak­kal­li nerisas­sal­lu neriuutigisamit­tut sun­niuteqan­ngim­mata qatan­nguter­pas­suit taman­na kamaatigaat. Aap­pariit nam­min­neq iisar­tak­kat inuus­sutis­sar­tal­lit aalajangersimasut pisas­sanerlugit im­mik­kul­lu nerisaqar­tas­sanerlutik aalajangersin­naavaat. Peq­qis­suuniar­nerli piin­narlugu ilagiin­ni ataasius­susermik navianar­torsior­titsigamik oqar­toqarsin­naava ingasaas­sinian­ngitsuusut? Itsaq Romami kristumiut ilaasa nerisas­sat nal­liut­torsior­neril­lu as­sigiin­ngitsunik isumaqarfigaat. Paulusip qanoq siun­nersor­pai? Ima al­lap­poq: “Inuit ilaat ul­lut ilaan­nik pingaar­nerutitaqar­tar­poq, al­lal­li tamaasa as­sigiim­mik pingaas­suseqar­tit­tar­pai. Tamarmik im­mik­kut isumar­tik eq­qor­tuusorisar­tik aalajangiul­lis­suk.” Al­lat naak­kius­sutis­sarsinaveersaar­tariaqar­pavut. – Romamiut 14:5, 13, 15, 19, 20 atuak­kit.

10. Sooq al­lat nam­min­neq aalajangiisin­naanerat ataq­qis­savar­put? (Al­laaserisap aal­laq­qaataani as­siliaq takuuk).

¹⁰ Im­maqa ilaan­nik­kut ilagiin­niit­tut ilaata im­minut tun­ngasunik aalajangiinera paasisin­naasan­ngilar­put. Qanoq ilius­saagut? Eq­qar­tuun­niapal­lat­tas­san­ngilar­put al­latul­luun­niit aalajangiitin­niar­tar­nagu. Imaas­sin­naavoq nalun­ngeqatigin­nis­susia sungiusagas­saasoq malus­sarip­pal­laar­torluun­niit. (1 Kor 8:11, 12) Imaluun­niit uagut nalun­ngeqatigin­nis­suser­put sungiusarluagaan­ngitsoq. Tamat­ta peq­qin­nermut as­sigisaanul­lu tun­ngasut pil­lugit nam­mineq aalajangiisus­saavugut tamatumalu akisus­saaf­fit­taqar­nera akueralugu.

ALIIKKUTAQARNEQ NUANNAARUTIGIUK

11, 12. Aliik­kutas­sarsior­nitsin­ni Biibili qanoq iluaqutigaar­put?

¹¹ Jehovap aliik­kutaqar­nermik nuan­naarutigin­nis­sin­naatil­luta iluaqutigin­nis­sin­naatil­lutalu pin­ngor­tip­paatigut. Salomo al­lap­poq ‘il­larfis­saqarlunilu qit­taserfis­saqar­toq’. (Oqal 3:4) Aliik­kutal­li ilaan­naat iluaqutaal­lutil­lu qasuer­narlutil­lu nukis­saqalersitsisar­put. Aam­ma aliik­kutat pif­fis­saajaatigival­laar­naveersaar­tariaqar­pavut. Jehovap iluarisaanik iluaqutigisatsin­nil­lu aliik­kutas­sarsiorsin­naaq­qul­luta nalun­ngeqatigin­nis­suser­put qanoq iluaqutigisin­naavar­put?

¹² Biibilimi “uin­ngup suliai” mianersoq­qus­sutigineqar­put. Taak­kua ilagaat “kinguaas­siuutitigut inuunerlun­neq, mingun­nar­tulior­neq, ileq­qorlun­neq, guutipilus­sior­neq, ilisiin­neq, akerariin­nerit, saqitsaan­neq, sin­nganeq, kamajas­suseq, nam­minis­sarsior­neq, as­suariin­nerit, im­mik­koor­niar­neq, qin­ngarsuinerit, imerajun­neq, inuul­luarumatual­laar­nerit tamak­kualu taamaaqataat”. Paulusi al­lap­poq ‘tamak­kunin­nga ileq­qoqar­tut Guutip naalagaaf­fia kingor­nus­sarsiaris­san­ngik­kaat’. (Gal 5:19-21) Taamaat­tumik im­minut ima aperisin­naavugut: ‘Timersoriaatsit nakuuser­ner­tal­lit uan­nil­luun­niit ingasat­tumik unam­mil­lerusulersitsisut inuiaas­sutsimil­luun­niit pingaar­titsival­laalersitsisut peqataaf­figin­ngin­nis­saan­nut nalun­ngeqatigin­nis­susera iluaqutigisar­para? Filminik inuunerlun­nermik, imerajun­nermik anersaarsior­nermil­luun­niit akuersaar­ner­talin­nik por­nografeer­talin­nil­luun­niit isigin­naar­nis­samut us­ser­nar­torsiuleraangama nalun­ngeqatigin­nis­sutsima mianersoq­qusar­paanga?’

13. Aliik­kutaqar­nermut tun­ngatil­lugu Timotheusimut al­lak­kat siul­liit 4:8 aam­ma Us­satit 13:20 qanoq iluaqutigisin­naavavut?

¹³ Aliik­kutanut tun­ngatil­lugu nalun­ngeqatigin­nis­sutsit­ta sungiusar­nerani najoq­qutas­siat Biibilimeersut iluaqutigisin­naavavut. As­sersuutigalugu Biibilimi al­las­simavoq ‘timik­kut sungiusar­nerit an­nikitsuin­narmik iluaqutaasut’. (1 Tim 4:8) Inup­pas­suit misigisar­put timersor­neq nukit­tual­lan­naralugulu peq­qin­nerulis­sutigisarlugu. Taavami arlaliul­luta timersoqatigiik­kusuk­kut­ta? Kik­kut timersoqatiginerlugit soqutaava? Us­satit 13:20-mi ima al­las­simavoq: “Ilisimasunik peqateqar­toq ilisimas­suseqalersar­poq, sianiitsunil­li ikin­nguteqar­toq ajor­tumeer­tus­saasar­poq.” Erseq­qip­poq aliik­kutas­sarsioraangat­ta nalun­ngeqatigin­nis­sutsit­ta Biibili tun­ngavigalugu ilin­niar­titaasup ator­nis­saa pingaaruteqar­toq.

14. Ilaqutariit Romamiunut al­lak­kat 14:2-4 qanoq najoq­qutas­sarsif­figaat?

¹⁴ Christian Danielalu inuusut­tuaq­qanik marlun­nik paneqar­put. Christian ima oqalut­tuar­poq: “Ilaqutariit­tut atuaq­qis­saaqatigiin­nitsin­ni aliik­kutaqar­neq eq­qar­tor­tar­par­put. Tamat­ta isumaqar­pugut nuan­nisariaatsit ilaat akuerineqarsin­naasut al­lal­li akuerineqarsin­naan­ngitsut. Kik­kut ilagisar­tagaasin­naap­pat sun­niuteqarluar­tut? Panit­ta aap­paa un­nerlup­poq Nalunaajaasut ilaat atuarfim­mi anitsiar­nermi pis­suseris­suusorisaminit al­laanerusumik pis­susilersor­tut. Taamaalior­nis­saminul­lu tatineqar­tutut misigivoq. Eq­qarsalersin­niarlugu oqaluup­par­put tamat­ta im­mik­kut nalun­ngeqatigin­nis­suseqar­tugut taman­nalu siulersor­tigisarip­put sus­sanerluta kik­kul­lu peqatigalugit taamaalius­sanerluta aalajangiiniaraangat­ta.” – Romamiut 14:2-4 atuak­kit.

15. Aliik­kutaqar­neq pilersaarusioraangatsigu Mat­thæusip iivangkiiliua 6:33 qanoq iluaqutigisin­naavar­put?

¹⁵ Aliik­kutat qanoq pif­fis­sar­torfigitigisar­pigit? Sam­misas­sat soorlu ataatsimiin­nerit, oqaluus­sineq Biibilimil­lu atuaq­qis­saar­neq inuunin­ni sal­liut­tar­pigit, aliik­kutal­luun­niit sal­liut­tar­pigit? Ilin­nut suut pingaar­ner­paap­pat? Jiisusi ima oqar­poq: “Guutil­li naalagaaf­fia iluar­neralu ujaq­qaarsigit, taava tamak­ku tamarmik ilan­ngul­lutik ilis­sin­nut tun­niun­neqarumaar­put.” (Mat­t 6:33) Pif­fis­sat sumut atus­sanerlugu aalajangeraangavit nalun­ngeqatigin­nis­sutsivit Jiisusip siun­nersuutaanik eq­qaasit­tar­paatit?

OQALUUSSINISSAMUT KAJUMISSISITSISOQ

16. Nalun­ngeqatigin­nis­sutsit­ta oqaluus­sinis­samut qanoq kajumis­sisit­tar­paatigut?

¹⁶ Nalun­ngeqatigin­nis­sutsip sungiusagaasup eq­qun­ngitsulior­nis­samut mianersoq­quun­narata aam­ma ajun­ngitsulior­nis­samut kajumis­sisit­tar­paatigut. Ajun­ngitsuliat ilagaat il­lumiit il­lumut aam­ma torrutiin­narlugu oqaluus­sineq. Paulusip nutaarsias­saq nuan­nersoq oqaluus­sis­sutigisar­paa. Ima al­lap­poq: “Pin­ngitsoor­nangami tusarliut­tus­saagak­ku, eq­qanarlu uanga iivangkiiliu nalunaajaatigin­ngik­kuk­ku.” (1 Kor 9:16) Paulusi ilaaraangatsigu ilerasuutis­saqar­neq ajor­pugut nalun­ngin­natsigu eq­qor­tuliorluta. Nutaarsias­sarlu nuan­nersoq pil­lugu al­lanut oqaluus­sigaangat­ta taak­kua nalun­ngeqatigin­nis­sutaat kil­lin­niar­tar­pavut. Paulusi ima al­lap­poq: “Sal­lusuis­sul­li saq­qum­mersit­tar­par­put taamaalior­nitsigul­lu inuit tamarmik tar­ningisa nalun­ngis­susian­nut ilas­seq­qusarluta Guutip tak­kuani.” – 2 Kor 4:2.

17. Qatan­ngutip inuusut­tup nalun­ngeqatigin­nis­sutsi qanoq malip­paa?

¹⁷ Jacqueline 16-inik ukioqarluni atuarfim­mi biologeer­tar­put. Atuar­tul­li pin­ngoriar­tuaarsimanermik ajoqersuut pil­lugu ilin­niar­titaap­put. “Klas­simi eq­qar­tueqatigiin­nermut pisar­nit­tut peqataatigis­sagaluaruma ilerasus­sagaluar­punga. Pin­ngoriar­tuaarsimaneraaneq il­lersorsin­naan­ngilara. Ilin­niar­titsisor­put saaf­figalugu nas­suiaap­para. Tupaal­laatigisan­nik inus­siar­nersorujus­suuvoq pin­ngor­titaanerlu pil­lugu atuaqatin­nut oqalut­tuar­nis­san­nut periarfis­sil­lunga.” Jacqueline nalerisimaar­poq nalun­ngeqatigin­nis­sutsi Biibili tun­ngavigalugu ilin­niar­titaasoq tusar­naarlugulu malik­kamiuk. Il­lim­mi, nalun­ngeqatigin­nis­sutsivit eq­qor­tulior­nis­san­nut kajumis­sisit­tar­paatit?

18. Sooq tutsuiginar­tumik nalun­ngeqatigin­nis­suseqarusup­pugut?

¹⁸ Jehovap najoq­qutas­siaanut iluarisaanul­lu naaper­tuut­tumik inuunis­sar­put anguniagaraar­put. Tamatumalu angunis­saanut nalun­ngeqatigin­nis­suser­put iluaqutigisin­naavar­put. Guutip oqaasianik aalajangersimasumik atuaq­qis­saar­tarut­ta, eq­qarsaatigin­neq­qis­saar­tarut­ta ilik­kak­kavul­lu naaper­torlugit iliuuseqar­tarut­ta nalun­ngeqatigin­nis­suser­put sungiusas­savar­put. Taava tunis­sut erlin­nangaar­toq taman­na kristumiutut inuunitsin­ni siulersor­titut tutsuiginar­tuus­saaq!