Inuuninni Guutip assaa takusinnaaviuk?

1, 2. Guuti pil­lugu qanoq isumaqar­toqar­pa?

INUP­PAS­SUIT iliuutsitik Guutimit soqutigineqan­ngis­soraat. Isumaqar­put qanoq atugaqar­ner­tik Guutip soqutigin­ngik­kaa. As­sersuutigalugu 2013-imi novembarimi anorersuarujus­suarmi Filip­pinerit ilarujus­suata aserugaanerata kingor­na taq­qavani il­loqarfis­suit ilaan­ni borgmesteri ima oqar­poq: “Guuti al­lamiis­simas­saaq.”

² Inuit al­lat isumaqar­put qanoq ilior­nitik Guutip takusin­naan­ngik­kai. (Es 26:10, 11; 3 Joh 11) Apustilip Paulusip nalaani aam­ma taama isumaqar­toqar­poq, taak­kulu pil­lugit ima al­lap­poq: ‘Guutimik ilisiman­nin­neq sus­sarin­ngilaat.’ Taak­ku naaper­tuil­luan­ngitsuul­lutil­lu ajor­tuul­lutil­lu piumatuujul­lutil­lu ileq­qorlut­tuup­put. – Rom 1:28, 29.

3. (a) Im­minut qanoq aperisin­naavugut? (b) Biibilimi Guutip ‘as­saa’ eq­qaaneqaraangat suna pineqar­tar­pa?

³ Uagut nalun­ngilar­put iliuutsivut tamaasa Jehovap takusarai. Aam­mali uagutsin­nik soqutigin­nil­lunilu uagut pil­luta pis­saanini ator­taraa up­peraar­put? Guutip pis­saanerminik atuisar­nera Biibilimi aam­ma taas­suma ‘as­saanik’ taaneqar­tar­poq. Pis­saanini kif­faminik ikiuinermut akeq­qaminil­lu ajorsar­titsinermut ator­tar­paa. (5 Mosesi 26:8 atuaruk). Jiisusi oqar­poq inuit ilaasa ‘Guuti takus­sagaat’. (Mat­t 5:8) Taak­kua ilagaatigut? Qanoq ‘Guuti takusin­naavar­put’? Inuunermin­ni Guutip as­saanik takun­nis­sin­naasunik aam­ma takun­nis­sin­naan­ngitsunik oqalut­tuat Biibilimeersut ilin­niutigisin­naagatsigit misis­soriar­tigit. Aam­ma Guutip as­saata takunis­saanut up­per­neq qanoq iluaqutiginerlutigu sam­mis­savar­put.

GUUTIP ASSAA TAKUJUMANNGILAAT

4. Sooq Israelik­kut akeraasa Guutip as­saa takun­ngitsoor­paat?

⁴ Itsaq inup­pas­suit Guutip Israelik­kun­nik ikiuisar­neranik takun­nin­nis­samin­nut tusar­naar­nis­samin­nul­lu periarfis­saqar­put. Jehovap tupin­nar­tulior­nik­kut in­nut­tani Egyptenimit aniguisip­pai nunamilu neriorsuutigisami kun­nger­pas­suit ajorsar­til­lugit. (Jos 9:3, 9, 10) Kun­ngit al­lat taman­na tusarlugulu takusimagaluarlugu “im­min­nut kat­tup­put Josva Israelilu sorsuf­figiniarlugit”. (Jos 9:1, 2) Kun­ngit taak­kua Israelik­kut sorsuf­figigamik­kit Guutip pis­saanerminik atuinera malugisimasin­naagaluar­paat. Jehovap pis­saanersuatigut “seqineq unip­poq qaam­mal­lu ingerlajun­naarluni Israelik­kut akeq­qamin­nut akiniaareerserlugit”. (Jos 10:13) Israelik­kul­li akeraasa uum­matimik­kut ‘man­nger­til­lutik’ Israelik­kun­nut sorsun­nis­saat Jehovap akueraa. (Jos 11:20) Jehovap in­nut­tani il­lersorlugit sorsut­toq miserratigigamik­ku ajorsar­put.

5. Kun­ngip Akabip ajor­tup suna up­periuman­ngilaa?

⁵ Tamatuma kingunerujus­sua kun­ngip Akabip ajor­tup arlaleriarluni Guutip as­saa takusimasin­naagaluar­paa. Eliap ima oqarfigaa: “Isugutaqas­san­ngilaq sialoqas­sananiluun­niit uanga peq­quseq­qaar­tin­nanga.” (1 Kng 17:1) Oqaatsit taak­ku Guutip pis­saaneratiguin­naq eq­quus­sin­naagaluar­tut Akabip taman­na up­periuman­ngilaa. Kingusin­nerusuk­kut Eliap qin­nutaa akil­lugu Jehovap in­neq qilam­meersoq pil­lium­mut pitim­magu Akabip takuaa. Taava Eliap Akabi oqarfigaa Jehova sialus­suar­titsil­luni paner­nersuaqarun­naarsitsis­sasoq. (1 Kng 18:22-45) Akabip tamak­ku tamaasa takugaluarlugit Jehovap pis­saanerminik atuineranik takun­nis­simanini up­periuman­ngilaa. Oqalut­tuat taak­ku qanoq ilin­niutigisin­naavavut? Guutip as­saata uagut pil­luta iliuuserisar­tagai maluginiar­tariaqar­pavut.

JEHOVAP ASSAA TAKUAAT

6, 7. Gibeonimiut Rahabil­lu suna nas­suerutigaat?

⁶ Gibeonimiut inuiaqatigiin­nit eq­qaamiumin­nit al­laanerujus­suup­put. Taak­kuami Guutip as­saa takuaat. Israelik­kut sorsuf­figinagit eq­qis­seqatigerusup­paat. Sooq? Jehova taas­sumalu naam­mas­sisai tamaasa tusarsimagamik­kit taamaaliorusul­lutik oqar­put. (Jos 9:3, 9, 10) Silatusaar­put Jehova Israelik­kut il­lersorlugit sorsut­toq nas­suerutigigamik­ku.

⁷ Aam­ma Rahabip Israelik­kuun­ngitsup Jehovap as­saa takuaa. Jehovap in­nut­tani Egyptenimit aniguisik­kai tusarsimavaa. Alaper­naarsuiar­tor­titat marluk tak­kum­mata ima oqarfigai: “Nalun­ngilara Naalak­kap nuna man­na ilis­sin­nut tun­nius­simagaa.” Rahabip ilaqut­tanilu Jehovamit an­naan­neqarsin­naal­lutik up­peraa. Iliuuserisani im­minik navianar­torsior­titsisoq nalun­ngik­kaluarlugu Jehovamik up­perin­nin­nini ersersip­paa. – Jos 2:9-13; 4:23, 24.

8. Israelik­kut ilaasa suna nas­suerutigaat?

⁸ Kun­ngi Akabi ajor­toq as­siginagu Israelik­kut ilaasa Eliap qin­nutaa akil­lugu Guutip in­neq qilam­mit pilersik­kaa nas­suerutigaat. Ima nil­ler­put: “Jehova Guutiuvoq ilumoor­toq!” (1 Kng 18:39, NW) Qularutigin­ngilaat Guutip pis­saanerminik atuisimaneranik takun­nis­simal­lutik.

9. Ul­lumik­kut Jehova taas­sumalu as­saa qanoq takusin­naavavut?

⁹ ‘Guutimik takun­nin­nermut’, imaluun­niit Guutip as­saanik takun­nin­nermut, tun­ngatil­lugu maligas­saal­luar­tut maligas­saal­luan­ngitsul­lu misis­soreer­pavut. Jehova ilisarisimal­lualerutsigu ‘uum­matit­ta isaanik’ taas­suma as­saa takusin­naalis­savar­put. (Ef 1:18) Taman­na kajumis­sis­sutigalugu itsaq ul­lumik­kul­lu inuit aalajaatsut Jehovap in­nut­taminik ikiuisimaneranik takun­nis­simasut ilaarusulis­savavut. Ul­lumik­kul­li Guutip in­nut­taminik ikiuisar­neranut up­per­narsaatis­saqar­pugut?

ULLUMIKKUT GUUTIP IKIUISARNERANUT TAKUSSUTISSAT

10. Ul­lumik­kut Jehovap inun­nik ikiuisar­neranut sumik up­per­narsaatis­saqar­pugut? (Al­laaserisap aal­laq­qaataani as­siliaq takuuk).

¹⁰ Ul­lumik­kut Jehovap inun­nik suli ikiuisar­neranut up­per­narsaatis­sar­pas­suaqar­pugut. Inuit Guutimut inuunermin­ni ikioq­qul­lutik qinusut akineqar­tul­lu tusar­tar­pavut. (Tus­s 53:3) As­sersuutigalugu Al­lanip Filip­pinerit qeqer­taaraasa ilaan­ni oqaluus­sitil­luni ar­naq naapitaa qis­saser­poq. Al­lan ima oqalut­tuar­poq: “Ul­loq taan­nar­piaq ul­laak­kut Jehovamut qinuvoq taas­suma Nalunaajaasuinit naapin­neqarumal­luni.” Inuusut­tuaraal­luni Nalunaajaasunit Biibilimik atuaq­qis­saaqatigineqar­tarsimavoq, katik­kamili qeqer­tamul­lu nuul­luni atuaq­qis­saar­tarun­naarsimavoq. Qin­nutini Guutip akipal­langaarmagu kil­litsip­poq. Ukioq ataaseq qaangiutin­ngitsoq inuunini Jehovamut tun­niul­luin­nar­paa.

11, 12. (a) Jehovap kif­fani qanoq ikior­tar­pai? (b) Jehovap qatan­ngut ar­naq qanoq ikioraa oqalut­tuariuk.

¹¹ Jehovamut kif­far­tor­tun­ngorsimasor­pas­suit ileq­qupalaanik, soorlu pujor­tar­tar­nermik, ikiaroor­tar­nermik por­nografiimil­lu isigin­naar­tar­nermik, taamaatitsiniar­nermin­ni taas­suma pis­saaneranik ikior­neqarsimaner­tik malugisarsimavaat. Ilaasa oqalut­tuaraat nam­mineerlutik iluatsin­ngitsumik taamaatitsiniar­taraluarlutik. Jehovamut ikioq­qusalerlutik taas­suma “pis­saaneq as­seqan­ngitsoq” atorlugu nakus­satsim­matik aatsaat ileq­qupalaatik taamaatis­sin­naaler­paat. – 2 Kor 4:7; Tus­s 37:23, 24.

¹² Aam­ma Jehovap kif­fani unam­miniagaqar­tut nikal­lujuis­sin­naaq­qul­lugit ikior­tar­pai. Amy taamatut misigisaqar­poq. Maneras­suarmi qeqer­taaq­qami naalagaaf­filersaarfilior­tunik ajoqersuiar­tor­tital­lu angerlarsimaf­fis­saan­nik sanaar­tor­tunik ikiuiar­tor­titaavoq. Kulturiat al­laavoq, in­naal­lagiaarut­tarlunilu imeerut­tar­poq, aq­quser­ngit qarsun­neqar­tar­put, ilaqut­tani maqaasivai hotelimilu ineeran­nguami ineqarluni. Ul­lut ilaan­ni qatan­ngut ar­naq suleqatini nil­liaf­figaa. Taman­nalu nuan­niil­liutigeqaa. Ineeq­qaminut taar­tumut uterami Jehovamut ilungersorluni ikioq­quvoq. Qul­liil­lu ikim­mata Napasuliaq Alaper­naarsuif­fik atuar­niarlugu tiguaa, tas­sanilu Gileadimi naggataar­nersior­neq pil­lugu al­laaserisami ajor­nar­torsiutiminut as­singusut atuar­pai. Ima oqar­poq: “Un­nuk taan­na misigivunga Jehovap oqaluuk­kaanga. Taman­na uan­nut sulias­siis­sutigineqar­tup ingerlatiin­nar­nis­saanut kajumis­sis­sutigaara.” – Tus­s 44:26, 27; Es 41:10, 13.

13. Jehovap in­nut­tami oqaluus­sisin­naatitaanermin­nik il­lersuineran­ni ikiuisar­neranut sunik takus­sutis­saqar­pugut?

¹³ Aam­mat­taaq Jehovap in­nut­tami nutaarsias­samik nuan­nersumik il­lersuineran­ni inatsisitigul­lu aalajangersaaneran­ni ikior­tar­pai. (Fil 1:7) As­sersuutigalugu naalak­kersuisut oqaluus­siner­put unitsin­niaraangas­suk eq­qar­tuus­sivin­ni im­minut il­lersor­tar­pugut. Silarsuaq tamak­kerlugu eq­qar­tuus­siviit qul­lersaan­nut sulias­siis­sutigineqar­tuni ikin­ner­paamik 268-ini ajugaavugut, taak­kualu ilagaat 2000-miil­li Europami Inuit Pisin­naatitaaf­fii pil­lugit Eq­qar­tuus­sivim­mut sulias­siis­sutigineqar­tut 24-t. Guutip as­saata kimil­luun­niit unitsin­neqarsin­naan­ngin­nera erseq­qip­poq. – Es 54:17; Esaja 59:1 atuaruk.

14. Guutip in­nut­tani pil­lugit iliuuseqar­tar­neranut sunik al­lanik takus­sutis­saqar­pa?

¹⁴ Silarsuaq tamak­kerlugu nutaarsias­samik nuan­nersumik oqaluus­sineq Guutip ikiuineratiguin­naq naam­mas­sineqarsin­naavoq. (Mat­t 24:14; ApS 1:8) Aam­ma Jehovap kif­faasa inuian­nit tamaneersut ataasius­suseqar­neran­nut tun­ngatil­lugu taamaap­poq. Ataasius­suseqar­neq taman­na im­mik­korluin­naq it­tuuvoq! Al­laat Jehovamik pal­lorfigin­nin­ngitsut ima nas­suer­put: “Ilumut Guuti akor­nas­sin­niip­poq.” (1 Kor 14:25) Guutip in­nut­tami iluaqutigisaan­nik iliuuseqar­tar­neranut up­per­narsaatis­sar­pas­suaqar­poq. (Esaja 66:14 atuaruk). Il­lim­mi, Jehova il­lit pil­lutit iliuuseqar­tar­toq takusin­naaviuk?

INUUNINNI JEHOVAP ASSAA TAKUSINNAAVIUK?

15. Sooq ilaan­nik­kut inuunitsin­ni Jehovap as­saa takusin­naaneq ajor­par­put?

¹⁵ Ilaan­nik­kut Guuti uagut pil­luta pis­saanini atoraa takusin­naasan­ngilar­put. Sooq? Ajor­nar­torsiuter­pas­suaqaraangat­ta im­maqa puior­tar­par­put Jehovap arlalip­pas­suariarluni ikior­tareeraatigut. Elia taamaalivoq. Sapiitsuuvoq, dron­ningil­li Jezabelip toqun­nialermani siooraler­poq. Jehovap qanoq ikior­taraani puiutal­lap­paa. Biibilimi al­las­simavoq toqorusut­toq. (1 Kng 19:1-4) Kimut ikior­tis­sarsiorsin­naava? Sapiis­suseqalis­saguni Jehova tunaarisariaqar­paa. – 1 Kng 19:14-18.

16. Ajor­nar­torsiuteqaraangat­ta Guuti qanoq takusin­naavar­put?

¹⁶ Jobip ajor­nar­torsiutini eq­qarsaatigingaaramigit atuk­kani pil­lugit Jehovap isigin­nit­taasiatut isigin­ngitsoor­pai. (Job 42:3-6) Aam­ma uagut ilaan­nik­kut ajor­nar­torsiutivut pis­sutigalugit Guuti takujumal­lugu ilungersor­tariaqar­pugut. Guutip uagut pil­luta iliuuseqar­neranik takun­nin­nis­samut suna iluaqutigisin­naavar­put? Ajor­nar­torsiutivut pil­lugit Biibilimi qanoq al­las­simasoqar­nersoq eq­qarsaatigeq­qis­saar­tariaqar­par­put. Jehovap uagutsin­nik ikiuisar­nera eq­qumaf­figineruleriar­tor­til­lugu taan­na uagutsin­nut piviusuunerulis­saaq, taava Jobitut ima oqarsin­naalis­saagut: “Sior­natigut al­lat pil­lutit oqaaserisaat tusal­latsiaan­narsimavak­ka, maan­nali nam­mineq isin­nik takuak­kit.”

17, 18. (a) Il­lit pil­lutit Jehovap pis­saanerminik atuinera qanoq malugisin­naaviuk? (b) Ul­lumik­kut Jehovap uagutsin­nik ikiuisar­neranik oqalut­tuarit.

¹⁷ Il­lit pil­lutit Jehovap pis­saanerminik atuinera qanoq takusin­naaviuk? Tal­limanik as­sersuuteqariar­ta. Siul­lermik, sal­lusuis­sum­mik nanisinis­san­nik Jehovap ikioraatit misigisimas­sagunar­pat. Aap­pas­saanik, im­maqa kristumiut ataatsimiin­neran­ni oqalugiaat tusar­naareerlugu ima oqar­nikuuvutit: “Tas­sa pisariaqar­til­luin­nagara!” Pingajus­saanik, im­maqa qin­nutivit ilaan­nik Jehovap akisinera misigisimavat. Sisamas­saanik, im­maqa Jehovamut iliuuseqar­nerorusul­lutit anguniak­kan­nik angusisin­naaq­qul­lutit Jehovap qanoq ikioraatit malugisimavat. Tal­limas­saanik, im­maqa sulif­fiit Jehovamut kif­far­tor­nin­nut ajoqutaasumik pif­fis­sar­tor­nar­pal­laarmat soraar­putit takul­lugulu Guutip ima neriorsuinini eq­qor­tik­kaa: “Iperas­san­ngilak­kit im­miniigin­nas­sanal­lu.” (Hebr 13:5) Jehovamut qanimut at­taveqarut­ta taas­suma as­saa inuunitsin­ni erseq­qin­nerusumik takusin­naavar­put.

¹⁸ Sarah, qatan­ngut Kenyameersoq, ima oqar­poq: “Misigigama atuaq­qis­saaqatigisar­tagara atuaq­qis­saar­tar­nerminik pingaar­titsin­ngitsoq taman­na pil­lugu qinuvunga. Jehova aperaara atuaq­qis­saar­tar­ner­put unitsis­sanerlugu. Aarmeer­niariar­tunga telefonera sianer­poq. Atuaq­qis­saaqatigisar­tagara sianer­poq aperaluni ataatsimiigiaqatigisin­naanerlunga! Kil­litsingaarlungalu tupigutsap­punga!” Guuti uagut pil­luta iliuusii eq­qumaf­figigutsigit pis­saanera ikiuisoq malugisin­naavar­put. Rhon­na, qatan­ngut ar­naq Asiami najugalik, oqar­poq Jehovap uagut inuunitsin­ni qanoq ikiuisar­nerata maluginis­saa ilin­niar­neqar­tariaqar­toq. Imalu nangip­poq: “Taman­na ilik­karaan­ni malun­narsisar­poq uagutsin­nik soqutigin­ningaar­nera qanoq tupin­nar­tigisoq!”

19. Guuti ‘takusin­naajumal­lugu’ aam­ma susariaqar­pugut?

¹⁹ Jiisusi oqar­poq ‘Guutimik takun­nik­kumasut uum­matimik­kut minguitsuusariaqar­tut’. (Mat­t 5:8) Taman­na qanoq isumaqar­pa? Eq­qarsaativut minguitsuutit­tariaqar­pavut eq­qun­ngitsulior­tarun­naarlutalu. (2 Korinthimiut 4:2 atuaruk). Al­laaserisami matumani paasivar­put Guuti ‘takusin­naajumal­lugu’ taas­sumun­nga at­taveqar­ner­put nakus­satsit­tuar­tariaqarip­put. Al­laaserisami tul­liut­tumi sam­mis­savar­put Jehovap as­saa inuunitsin­ni erseq­qin­nerusumik takusin­naajumal­lugu up­per­neq qanoq iluaqutigisin­naanerip­put.