Kituxi
O kituxi ihi? Mukonda dyahi kyene kibhekesa maka ku athu oso?
Kyebhi o Bibidya ilondekesa kwila tutena kubhânga ni jihânji jetu jayibha?
Misoso ya Bibidya itena kutukwatekesa:
2Sa 11:2-5, 14, 15, 26, 27; 12:1-13—Sobha Davidi wate ituxi yambote, amubazela, anga udyela o ituxi yê
Lo 7:15-24—Poxolo Phawulu wexile ni kixikanu kya dikota, maji mwene watokalele kubhanga yoso ni yoso phala kutolola o ixinganeuku ni jihânji jayibha
Kyebhi o kukamba kwijiya o ima yene mubhangesa athu avulu kuta kituxi?
Ik 3:17; 17:29, 30; 1Ti 1:13; 1Ph 1:14
Tanga we Dya 15:27-29
Mukonda dyahi kituxi kya dikota se tusuluka ni kubhanga o kima kitwejiya kwila kituxi?
Satanaji utendala o jiselevende ja Nzambi ni ihi?
Ji 1:10, 11, 15; Mat 5:28; Tiy 1:14, 15
Misoso ya Bibidya itena kutukwatekesa:
Di 3:1-6—Bhukaxi ka nyoka, Satanaji wabhangesa Eva kudixinganeka ngó mudyê ni kukala ni lwimbi. Kiki kyabhangesa Eva kukamba kudyelela Jihova
Ji 7:6-10, 21-23—Sobha Solomá wasoneka yalungu ni munzangala wakambe kilunji, wate undumbu ni muhatu kifusa
Kyebhi kitutena kudituna o jitendasá ja Satanaji?
Ef 4:27; 6:10-18; Tiy 4:7, 8
Misoso ya Bibidya itena kutukwatekesa:
Ji 5:1-14—Kala tata wamuzwela ni mon’ê, Sobha Solomá wabhana itendelesu yambote yalungu ni kyebhi ni mukonda dyahi twatokala kulenga o undumbu
Mat 4:1-11—Jezú watumbula o Mak’â Nzambi phala kudituna o jitendasá ja Satanaji
Ituxi yebhi yamakota yatokala kulenga o Jikidistá?
Tanga we “Ima Yayibha”
Kufisala o kituxi
Mukonda dyahi kitutokala kusweka o ituxi yetu?
Twatokala kufisala o ituxi yetu kwa nanyi?
Jis 32:5; Mt 6:9-14
Nanyi o “mukwatekexi” wetu wene mu tudyondela bhupholo ya Jihova?
Kyebhi o muthu wate kituxi kyatena kulondekesa bhukaxi ka ibhangelu yê kwila wadyela?
Tanga we “Kudyela”
Misoso ya Bibidya itena kutukwatekesa:
Ma 22:1-12—Mu Kijila kya Mozé, o mwiyi watokalele kufuta yoso ya nyanene
Lu 19:8, 9—O mukwa kutambula lubhaku Zakewu walondekesa kwila wadyela o kituxi kyê mu kuvutwila yoso ya nyanene ku athu
Mukonda dyahi tutena kudyelela kwila Jihova wanda tuloloka?
Tanga “Kuloloka”
Ananyi atokala kukwatekesa muthu mu kilunga kyoso kyata kituxi kya dikota?
O kituxi kya dikota kibhangesa o athu mu kilunga mba ku mwiji kudivwa kyebhi?
Tanga we Mate 29:18
Misoso ya Bibidya itena kutukwatekesa:
Jos 7:1-13, 20-26—Akane wabheka windwa ku Izalayele yoso mukonda dya kuta kituxi kya dikota ni ku kisweka
Jo 1:1-16—Mukonda dya kubhukumukina Jihova, Jona wate mu kilwezu o myenyu ya athu oso exile mu naviyu
1Ko 5:1-7—Poxolo Phawulu wazwela yalungu ni diyala wate kituxi kya dikota kyabhekesa maka mu kilunga kyoso
Mukonda dyahi o woma wa kutubazela ki utokala kutufidisa kuzwela ni tufunga?
Ji 3:11, 12; Jih 12:5-7, 11; Tiy5:14, 15
Mukonda dyahi twatokala kudyelela kwila Nzambi watuloloka kyá mu veji dya kusuluka mu kuluwala se twate kituxi mu ukulu?
Tanga “Kuloloka”
Se twiza mu kwijiya yalungu ni kituxi kya dikota, mukonda dyahi twatokala kubhanga yoso ni yoso phala o muthu wate o kituxi azwele ni tufunga?
Musoso wa Bibidya utena kutukwatekesa:
Mate 13:6-9; 21:18-20—O Kitumu kya Mozé kyexile mu londekesa kwila o muthu watokalele kuzwela o kituxi kya ndandu yê mba kya kamba dyê