O Kuila Nzambi u Ku Suua?

O kuila Davidi ua tokalele ku kingila kuila Nzambi u mu suua? O Kuila Nzambi u ku suua? Athu avulu ka xikina kuila Nzambi o Muteni-a-Ioso uene mu a suua. Mukonda diahi?

Mukonda Nzambi ua tundu o athu mu maukexilu oso. Ku diulu, muéne u mona o athu mu ngongo kála “dibêbe di láuka ku mbi-nda ia menha mba mukuâ ni mvindu ia di-kuua-kuua bhu longa dia pezo.” (Izaia 40:15) Saí musoneki mukua ku tatela o jingeleja, ua soneka kuila o athu “ka tokala ku xikina kuila o Nzambi ua Tena Ioso, u tena ku suua o ima ia bhanga ene.”

Athu a mukuá a banza kuila, Nzambi ka tena ku a suua mukonda dia ima iâ ia bhanga. Mu kifika, saí muhatu dijina diê Jim, uambe: “Nga kexile mu samba izuua ioso mu ku bhinga ku tululuka ni ku langa o njinda iami, maji ki ngi tenene. Mu ku bhita thembu, nga mono kuila, Nzambi ka kexile mu ngi kuatekesa mukonda ng’exile ngi muthu ua iibha kinene.”

O kuila Nzambi uala dikanga, kienhiki ka tena ku tu mona? Kiebhi kia divua muéne mu ku mona o athu akua ituxi mu ngongo? Se Nzambi ka tu tangele ioso ia lungu ni muéne, kana-ku muthu ueji tena ku tambuijila o ibhuidisu íii. Maji o njimbu ia Nzambi phala etu—o Bibidia—i tu tangela kuila, Nzambi kene dikanga dia athu, ni kuila muéne u suua muthu ni muthu. O Bibidia izuela: “Kana muthu ua mu kala dikanga.” (Ikalakalu 17:27) Mu mbandu jiuana ja-nda kaiela-ku, tua-nda mona ihi i tu tangela Nzambi ia lungu ni muéne, ni kiebhi muéne kia suu athu kala eie m’ukulu.