Ihi i Longa o Bibidia?

Ihi i bhita n’etu kioso ki tu fua?

SAI ATHU A XIKINA kuila kioso ki tu fua, tuia kididi kiéngi, a mukuá amba kuila o kufua o disukilu dia muenhu. Abha eie, ihi i u banza?

IHI I ZUELA O BIBIDIA

“O ió afu kiá k’ejiia dingi kima kioso-kioso.” (Ndongixi 9:5) Kienhiki, kioso ki tu fua, ioso i bhua-ku.

IHI DINGI I TU LONGA O BIBIDIA?

O diiala dia dianga Adá, ua vutuka ku mavu kioso kia fu. (Dimatekenu 2:7; 3:19) Kiene kimoxi, oso a fua a vutuka ku mavu.—Ndongixi 3:19, 20.
Athu kia fua, a a jimuna o ituxi iâ. (Loma 6:7) Kioso muthu kia fua, kai kididi kiéngi phala ku mu kaxtikala mukonda dia ituxi ia te, kana.

IHI I U BANZA?

IHI I ZUELA O BIBIDIA

“Kuma hádia ku kala difukunukinu dia athu.”—Ikalakalu 24:15.

IHI DINGI I TU LONGA O BIBIDIA?

Saí bhabha, o Bibidia i sokesa o kufua ni kilu. (Nzuá 11:11-14) Nzambi uala ni kutena kua kuphaphumuna uoso ua fu, kála ki tuene mu balumuna mukuetu ua mu zeka.—Jobe 14:13-15.
Mu Bibidia muala misoso iavulu ia athu a fuile, maji a a fukununa. O misoso íii i tu kuatekesa kuxikina kuila, oso afu a-nda vutuka dingi ku muenhu.—1 Jisobha 17:17-24; Luka 7:11-17; Nzuá 11:39-44.

Phala kuijiia dingi, tanga o kibatulu 6 kia divulu didi Mu Kidi Ihi i Longa o Bibidia?, a di bhange ku Jimbangi ja Jihova

Tu di sanga ué mu, www.jw.org/kmb