O Kuila o An’ê Ala Polondo?
1. Mukonda diahi o tuana a bhingi ku kala polondo?
1 O kithangana kia ku mateka o xikola kia zukama. Sé phata, o an’ê a-nda di bhana ni ibhidi, ni ijijidiku. Ene ué a-nda kala ni ithangana iambote phala “ku bhana umbangi ua kidi.” (Nzuá 18:37, NW.) O kuila ene ala polondo?
2. Ihi ia tokala ku bhanga o tuana phala ku kala polondo?
2 O kuila o na’ê, a tendela kiambote ia lungu ni ku bhanga mbandu ia ima ia mundu, (cerimônias nacionalistas) ni jifesa ia jiphagão, ni mukonda diahi ku bhanga mbandu ia jifesa jiji kima kia iibha? O kuila ene ala polondo phala ku di bhana ni kijijidiku, kia lungu ni ku bokona mu xikola ia katunda, ni ku kala ni saí, ni kúnua uhôlua, mba ku xibha makanha? O kuila eji zuela ngó kuma o ibhangelu íii io fidise mu Bibidia, inga eji tena ku zokela kiambote o kixikanu kiâ?—1Ph 3:15.
3. Kiebhi o jitata kia tena ku katula mbote mu usuku ua Ubhezelu ku Muiji, phala ku pelepalala o an’ê?
3 Usuku ua Ubhezelu ku Muiji: Mu kidi, nange ku muvu uoso ua-nda zuela ni tuana o ibhindamu i moneka bhu xikola. Maji o ku suína, kua tokala phala kuzuela milongi ia lungu ni xikola, ande dia xikola ku mateka, kia-nda bhana ku an’ê kidielelu. Mukonda diahi ki mu katula mbote mu usuku ua Ubhezelu ku Muiji phala kuzuela o maka iá? Eie ua tokala ku ebhuidisa ku an’ê ihi ia a thandanganhesa dingi kioso kia mu bhixila o kithangana kia kuia, ni ku vutuka bhu xikola. U tena ku bhitulula milongi i mua di longo kiá ukulu, mu ku mona kuila ene a kulu dingi mu kitala, ni ku bandekesa o kuijiia kua an’ê. (Jis 119:95) Eie u tena ku bhanga ifika kála u mulongexi, mba koleka ia xikola. Longa o na’ê kiebhi kia tena ku bhana itambuijilu mu kaxi ka Bibidia, ni ku katula mbote mu madivulu kála, o divulu Raciocínios, ni divulu Os Jovens Perguntam. Saí mama, ua katula ifika, phala ku pelepalala o an’ê, kiebhi kia tena ku zukama ku alongexi â a ubhe, mu dimatekenu dia xikola, ni kua a jimbulula kuila ene Jimbangi ja Jihova.—Tanga o A Sentinela ia 15, ia mbeji ia Kaiadi ia 2010, mu jimbandu ja 3-5
4. Ihi ia-nda bhanga o jitata alondekesa unjimu?
4 O ibhidi ia-nda di bhana na-iu o minzangala Jikidistá mu izuua íii ia sukidila-ku, ‘ja bhonzo kiavulu.’ (2Ti 3:1) O jitata a londekesa unjimu, a-nda kuatekesa o an’ê ni kithangana kia soko. (Ji 22:3) Ande dia ku mateka o muvu ua ubhe, bhanga ioso i u tena o ku bhanga, phala ku a kuatekesa ku kala polondo.