Ku Bhitulula o Milongi ia Xikola ia Ukunji ua Nzambi

O ibhuidisu ia kaiela, a-nda i bhanga mu Xikola ia Ukunji ua Nzambi, mu semana ia 27 ia mbeji ia Kakuinhi ka muvu ua 2012. O jisemana ji moneka mu ibhuidisu, phala ku kuatekesa ku pelepalala ni kuijiia se o milongi íii a di longo na-iu mu semana iebhi.

1. Ihi ilombolola o kisuma kia mono Izekiiele kia lungu ni ubhezelu ua makutu ua Juda ni disá diahi di tu longa? (Ize 8:15-17) [Semana ia 2 ia mbeji ia Kavua, w07 1/7 p. 13 § 6; w93 15/1 p. 27-28 §§ 7, 12]

2. Mu ukexilu uebhi o atuameni a jingeleja lelu, a kaiela o jipolofeta ja makutu mu izuua ia Izekiiele? (Ize 13:3, 7) [Semana ia 9 ia mbeji ia Kavua, w99 1/10 p. 13 §§14-15]

3. Mu kikanenu ki tu sanga mu divulu dia Izekiiele 17:22-24, nanhi o ‘mbutu,’ ihi o “mulundu ua dileka” kua phaphe o mbutu ni kiebhi iene ia-nda kituka sédulu? [Semana ia 16 ia mbeji ia Kavua, w07 1/7 p. 12-13 § 6]

4. Kala kia tange o sabhu mu divulu dia Izekiiele 18:2, o mundu a a balakala kumoxi ni Izekiiele, a tatela nanhi o hadi iâ ni disá diahi di tu di longa mu sabhu íii? [Semana ia 23 ia mbeji ia Kavua, w88 15/9 p. 18 § 10]

5. Kiebhi o izulukutu i tu sanga mu divulu dia Izekiiele 21:18-22, ilondekesa kuila né o athu né o madimonho, ka tena ku fidisa o vondadi ia Jihova ku dikumbidila? [Semana ia 30 ia mbeji ia Kavua, w07 1/7 p. 14 § 4]

6. Kala kia kisoneka mu divulu dia Izekiiele 24:6, 11, 12, ihi ilombolola o feluju ia ímbia ni kitumu kiahi ki tu sanga mu velusu ia 14? [Semana ia 6 ia mbeji ia Kakuinhi, w07 1/7 p. 14 p. 2]

7. Kiebhi o kikanenu kia lungu ni mbanza ia Tilu kia dikumbidila? [Semana ia 6 ia mbeji ia Kakuinhi, it-1 p.80, kaxa; si p. 133 § 4]

8. Izuelu iebhi i tu sanga mu divulu dia Izekiiele 28:2, 12-17, i dikumbidila ki kale ku sobha ia Tilu mba kua Satanaji? [Semana ia 13 ia mbeji ia Kakuinhi, w05 15/10 p. 23-24 §§10-14; it-3 p. 246 §§4-5]

9. Kithangana kiebhi o Ijitu io balakale mu 40 a mivu ni ihi i tu bhangesa ku xikina kuila kiki kia bhiti muene? (Ize. 29:8-12) [Semana ia 13 ia mbeji ia Kakuinhi, w07 1/8 p. 8 § 5]

10. Kiebhi Izekiiele kia divu kioso o athu kia kambele ku mu bhana mátui ni kidielelu kiahi kia mu bhana Jihova? (Ize. 33:31-33) [Semana ia 20 ia mbeji ia Kakuinhi, w91 15/3 p. 17 §§16-17]