Itendelesu ia Ubhe

Tundé ku semana ia 3 ia Katutu, o milongi ia Bibidia mu kilunga ka-nda i bhanga dingi mu 25 kia ithangana maji mu 30 a ithangana. Mu ku mateka, o muendexi ua tokala ku bhitulula o milongi ia tundu-mu mu kithangana kimoxi. O kithangana kia Kiônge kia Sidivisu, ka-nda ki bhanga ué dingi mu 35 kia ithangana maji mu 30. Ki bhua-nda kala dingi mbandu phala o jingolokela. Jingolokela joso-joso, a tokala ku ji bhanga ku dimatekenu dia mbandu ia dianga ia kiônge kia sidivisu. Saí bhabha, ku bhinga ku bhanga jingolokela, maji ki ku bhingi ku bhanga ngolokela ia lungu ni milongi a-nda i bhanga mu kiônge. O jingolokela ja lungu ni sidivisu ia ku boka, ku zelesa o Kididi kia Ubhezelu ni umenekenu, ka tokala ku ji bhanga. (km 10/08 p. 1, § 4) Se ku bhinga ku bhanga ngolokela ia lebha, o kafunga kala ku pholo, ua tokala u zuela ni kithangana kia soko ku jiphange a-nda bhanga mbandu mu kiônge phala n’a sosolole o mbandu jâ.