Os Jovens Perguntam​—Como Fazer Verdadeiros Amigos?

Jihova ua bhange o athu phala n’a kuata ukamba ni akuâ. (Jisa. 17:17; 18:​1, 24) Phala ku sanguluka mu ukamba, tua tokala ku sola kiambote o makamba metu. (Jisa. 13:​20) Mu ku mona o vidiu Os Jovens Perguntam​—⁠Como Fazer Verdadeiros Amigos? O kuila u tena ku tambuijila o ibhuidisu iala ku luiji?

Dimatekenu:

(1) Kiebhi ki kala o dikamba dia kidi?

Mibhetu i Fidisa o ku Kala ni Makamba:

(2) Ihi i tena ku kuatekesa o muthu phala ka banze kuila o athu ka zolo o ukamba uê? (Fil. 2:⁠4) (3) Mukonda diahi tua tokala ku lungulula o ukexilu uetu ni nanhi u tena ku tu kuatekesa ku bhanga kiki? (2 Kol. 13:​11) (4) Ihi i tua tokala o ku bhanga phala ku kala ni makamba avulu?​—⁠2 Kol. 6:⁠13.

Ukamba ni Nzambi:

(5) Kiebhi ki tu tena o ku kolesa o ukamba uetu ni Jihova ni mukonda diahi kima kiambote ku bhanga kiki? (Jisá. 34:⁠8) (6) Mu ku bhanga Jihova kamba dietu dia kazola, mbote jebhi ji tu tena o ku katula mu ukamba uetu ni athu?

Makamba a Iibha:

(7) A nanhi o makamba a iibha? (1 Kol. 15:​33) (8) Kiebhi o makamba a iibha, a tena ku zanga o ukamba uetu ni Jihova?

Drama ia Izuua Ietu:

(9) Ihi i tu longa o musoso ua Bibidia ua lungu ni Diná? (Dim. 34:​1, 2, 7, 19) (10) Kioso kia mu ibhuidisa kiebhi kia tambuijila Sara mu ku dibhana ni makamba ki abhezi a Jihova? (11) Kiebhi o makamba a xikola a Sara a mu bhangesa ku di ta mu njila ia iibha? (12) Mukonda diahi o jitata ja Sara ka tena ku mona kuila o mon’ê ua kexile mu di ta mu njila ia iibha ni kiebhi kia tena ku mu kuatekesa o ku kolesa o ukamba uê ni Jihova? (13) Kiebhi o muboki ua ­thembu ioso ua muhatu, ua londekesa kuila dikamba dia kidi phala Sara? (14) Ihi ia kuatekesa Sara ku xinganeka kiambote?

Disukilu:

(15)Ihi i ua di longo mu vidiu íii? (16) Kiebhi ki u tena ku kuatekesa akuenu ni vidiu íii?

Tua tokala ku sola makamba a tena ku tu kuatekesa ku kolokota mu ukamba ua beta dingi kota​—⁠o ukamba ni Nzambi!​—⁠Jisá. 15:​1, 4; Iza. 41:⁠8.