Boka Kiambote ni Madivulu Okulu

Se o madivulu okulu, a a bhaka mba a a texa, ka tena ku kuatekesa muthu, mu kiki, tua tokala kua bhana ku athu. O divulu di tena ku bhangesa o muthu ku mesena ku di longa o Bibidia ni ku mu bhangesa ku ximana Jihova. (Lom. 10:13, 14) Ku luiji, saí itendelesu ia lungu ni ku bhana madivulu okulu.

• Mu ku kalakala mu mbambe, kene mu boka-mu kiavulu, u tena ku xisa madivulu bhu dibhitu dia mukuá dibhata kala mu inzo.

• Mu ku boka bhu kididi bhuene mu bhita athu avulu, kála kia ku kuata o maximbombo, ebhuidisa ku muthu se ua mesena ku tanga divulu, mu londekese o madivulu moso okulu, mu ehele ku sola o divulu dia mesena.

• Kioso ki uia bhu kididi kia ku sukula o izuatu, mu inzo ia athu a kuka, mu inzo ia ku saka mba bhu kididi kiéngi, kiala mu mbambe ia kilunga, kima kiambote ku xisa madivulu. Kima kiambote ku bhinga ku xefe ande dia ku xisa o divulu. Maji se u mona kuila, saí hanji madivulu avulu u ua xisa, kana ku xa dingi.

• Kioso ki u di pelepalala, phala ku kunda dingi muthu, di sokejeke kiambote, phala kuijiia o milongi ia-nda uabhela o muthu. O kuila muéne uala ni muiji? O kuila muéne ua uabhela kuenda njila? O kuila ua uabhela ku kala ni jaludim? Sota o madivulu okulu, phala ku mona se saí milongi ia-nda uabhela, mu londekese kioso ki ua-nda mu kunda dingi.

• Kioso ki u sanga muthu mu inzo, soneka o kijimbuete kiê ni ku mu londekesa o madivulu okulu.