“Bhana o Mulangidi Uokulu Mba Kamukanda ka Uabhela o Athu”

Mu jimbeji javulu mu tua bhana o divulu Ihi i longa o Bibidia, ni ku longa o Bibidia ku muthu, tu ku suínisa “ku bhana Mulangidi uokulu, mba kamukanda koso-koso u uabhela o muthu,” kioso o mukua dibhata uala kiá ni divulu ka xikina ku mu longa o Bibidia. Mukonda diahi?

Tumikanda ni Mulangidi uokulu, a zuela maka avulu ambote. Saí madivulu iá, a tena ku kuatekesa o mukua dibhata. Mu kienhiki, mu ku sokejeka o mbuenga iê ia ku bhana umbangi, ta-mu tumikanda, ni Mulangidi uokulu. Se kuala ni madivulu uokulu, nange u tena ku tambula madivulu mu kaxi ka phange u bhana o madivulu mu kilunga. Mu kiki, se o mukua dibhata uala kiá ni divulu Ihi i longa o Bibidia, u tena ku mu londekesa o Mulangidi mba tumikanda tu uala na-tu, ni ku mu bhinga phala n’a sole ia mu uabhela. Bhanga ioso phala ku vutuka ni ku mu kunda. Nange ua-nda xikina ku di longa o Bibidia.