Boka o “Athu Oso”
1. Kiebhi o mukunji ua uhete ua difu ni mukua ufunu uala ni uhete?
1 O mukua ufunu uala ni uhete, uala ni jifalamenda javulu, muéne uejiia kiebhi kia tokala ku katula mbote mu jifalamenda joso. Kiene kimoxi, etu tuala ni jifalamenda javulu phala ku tu kuatekesa ku kala ni uhete, kala tu akunji. Mu kifika, ene mu bhanga nzungule dia tumikanda, phala ku tu kuatekesa ku boka o “athu oso.” (1 Kol. 9:22, NW) O mbandu ia Kikalakalu Kietu Kia Utuminu, (suplemento) ilondekesa o tumikanda tutu, ijimbulula se mukonda diahi a tu bhange, ni itendelesu iebhi ia tokala phala ku bhana o tumikanda mu ukunji.
2. Kiebhi ki tu katula mbote mu tumikanda mu ukunji?
2 Kiebhi Kia Bhana o Tumikanda: O mukua ufunu ua-nda katula mbote mu falamenda, kioso muéne kia i mesena. Kiene kimoxi, etu tu tena ku bhana o kamukanda, kioso ki tu mona kuila saí muthu ua-nda katula mbote. Kana ngó mu kithangana ki tua mu bhana o tumikanda. Mu kifika, se tua mu bhana o divulu Bibidia i Longa, ni tua mu boka mu mbambe, o athu ki Jikidistá, ka mesena kiavulu o ku di longa o Bibidia, nange kima kiambote tu a bhana kamukanda ka tokala, o ku pholo dia kuenda, kioso ki tu kuatekesa o muthu n’a mesena o ku di longa, tu mu bhana o divulu Bibidia i Longa.
3. Mukonda diahi tua tokala ku kala ni uhete ua ku kalakala kiambote ni jifalamenda jetu, ja ku bhana umbangi?
3 O Bibidia izuela kiambote kua ió ala ni uhete mu kikalakalu kiâ. (Jisa. 22:29) Mu kidi, se-ku kikalakalu kia beta dingi kota, mu “kutula o Njimbu Iambote.” (Lom. 15:16) Mukonda dia ku kala ‘mukalakadi ka bhange kima ki tena ku mu kuatesa jisonhi,’ tua-nda katula mbote mu jifalamenda jetu ja ukunji.—2 Tim. 2:15.