Mabesá Phala Yó Akwatekesa Akwâ Abhindama

Athu avulu kumundu kala ni kudya mba inzo yakukala. Amukwa kala ni kidyelelu kyalungu ni hádya. Nzambi wamesena kwila tukwatekesa o athu abhindama, mukubhanga kiki mwene wanda tubesowala.

IHI YAMBA O MIKANDA IKÔLA

“Woso u bindumuna ngadyama, wa sobhesa kwa Ngana; Jihova mwene hinu u mu futa o mbote yê.”—JISABHU 19:17.

IHI ILOMBOLOLA KUKWATEKESA MUTHU WABHINDAMA

Jezú wate kifika kyalungu ni diyala amubetele kwala o miyi, ya amuxisa kala wafu kumbandu a njila. (Luka 10:29-37) Sayi diyala dyambote mukwa ixi yengi, wemana yu wakwatekesa o diyala amukwamene kinene. Mwene wabhange kiki sumbala watokalele mu ixi yengi.

O diyala didi, katumbu ngó o jifidila ni kumubhana kudya, maji wamuswinisa we yu wasosolola o ndolo yê.

Ihi itudilonga mu kifika kiki? Jezú walondekesa kwila etu twabhingi kukwatekesa mu mawukexilu oso yó abhindamena o kikwatekesu. (Jisabhu 14:31) O Mikanda Ikôla ilonga kwila kwakambe ngó Nzambi wandazubha o wadyama ni hadi. Tutena kudibhwidisa, kyebhi ni kizuwa kuxi Nzambi kyanda bhanga kiki? O milongi yakayela yandazwela o mabesá abhake o Mubhangi wetu wakazola phala eye.