WENDELU WA UKIDISTÁ

Ihi Yeji Banza Jihova?

Ande dya kusola kima kyofele mba kya dikota, o kwila twene mu dibhwidisa se ‘Ihi yeji banza Jihova?’ Sumbala ki tu tena kwijiya o ima yoso i banza Jihova, maji mwene u tu tangela ima yavulu mu Maka mê, phala ku tu kwatekesa kubhanga “madimu moso mambote.” (2Ti 3:16, 17; Lo 11:33, 34) Jezú wa tongolola kyambote yebhi o vondadi ya Jihova, yu wa i te ku pholo dya mwenyu wê. (Nz 4:34) Mu kukayela o phangu ya Jezú, twa tokala kubhanga yoso i tu tena phala kusola kyambote o ima i sangulukisa Jihova.—Nz 8:28, 29; Ef 5:15-17.

TALA O VIDYU, TONGOLOLA YEBHI O VONDADI YA JIHOVA (Ij 19:18), MU KUSULUKA TAMBWIJILA O IBHWIDISU YA KAYELA:

Mukonda dyahi twa tokala kukumbidila o itendelesu ya Bibidya ku mwenyu wetu?
Itendelesu yebhi ya Bibidya, i tu kwatekesa kusola o mimbu yetu?
Itendelesu yebhi ya Bibidya, i tu kwatekesa kusola kyambote o izwatu?
Ebhi o mawukexilu a mukwá a mwenyu, u twa tokala kukumbidila o itendelesu ya Bibidya?
Kyebhi ki tu tena kubandekesa o uhete wetu wa kwijiya yebhi o vondadi ya Jihova?

Minzangala ya Jimbangi ja Jihova ka divu mu kikonda, a te o izwatu ya mawukexilu wavulu, a mu katula foto — O ima i ngi sola, i londekesa ihi ya lungu ni ukamba wami ni Jihova?