Jezú Uexile Nanhi?

Jihova ua tumikisa Jezú mu ixi. 1 Nzuá 4:9

Se tua mesena ku sangulukisa Jihova, tua tokala kuívua muthu uéngi ua beta-kota. Ande dia ku bhanga Adá, Jihova ua bhangele muthu ua nzumbi mu diulu, uala ni kutena.

Mu ku bhita kithangana, Jihova ua mu tumikisa mu divumu dia Madiia, phala ku mu vuala kála muthu. O mona iú, a mu bhana o dijina dia Jezú.​—Nzuá 6:38.

Kála diiala mu ixi, Jezú ua londekesa ni ku iuka o ídifua ia Nzambi. Muéne uexile muthu ua henda, ni muthu ua bhebhuluka. Ni ku suína kuoso, muéne ua longo o kidi kia lungu ni Jihova.

Jezú ua bhangele o mbote, maji a mu zembele. 1 Phetele 2:21-24

Jezú ua sake ué athu a kate, ni ku fukununa athu afú.

O atuameni a jingeleja, a zembele Jezú, mukonda muéne uexile mu londekesa o milongi iâ, ia makutu, ni ukexilu uâ, ua iibha.

O atuameni a jingeleja, exile mu jijidika o akua Loma, phala ku beta, ni ku jibha Jezú.