Jezú u Zelesa o Tembulu

Ku muvu ua 30 K.K., mu thembu ia nvula, Jezú uaile ku Jeluzaleme. Athu avulu akexile muia mu mbanza phala kubhanga o fesa ia Phasu. Uexile ukexilu uâ, kubhana jisata ja iama mu tembulu mu jifesa jiji. Saí iâ akexile mu kuiza na-ju, amukuá akexile mu ji sumba ku Jeluzaleme.

Kioso Jezú kiai mu tembulu muene ua mono athu kusumbisa iama kuenhoko. Ene akexile mu bhanga uenji uâ mu kididi kia kubheza Jihova! Kiebhi kia divu Jezú? Muene ua bhange xikote ia mikolo, ua a kaiesa eneoso mu tembulu, kumoxi ni jimbudi ni jingombe. Muene ua lundumuna o jimeza ja akua kutolokala kitadi, ua texi ue o kitadi kia iphaka mba isekeseke. Jezú uambela oso akexile mu sumbisa o membe: ‘Katulenu ima íii bhabha! Kanenu kubhanga inzo ia Tata iami, kitanda kia uenji!’

O athu mu tembulu a diuanene ni ima ia bhangele Jezú. O maxibulu mê a lembalala o kikanenu kia lungu ni Mexiia: ‘Eme nga kà kala ni henda ia inzo ia Jihova.’

Kupholo dia kuenda, ku muvu ua 33 K.K., Jezú ua zelesa o tembulu mu veji ia kaiadi. Muene keji kuehela muthu kukamba kuxila o inzo ia Tat’ê.