Eie ua Kijidile?

Mukonda diahi athu akexile mu tolokala kitadi mu tembulu mu Jeluzaleme?

▪ Ande dia kufuá, Jezú ua mono o kima kia iibha kia kexile mu bhanga o athu mu tembulu. O Bibidia iambe: “Jezú . . . u lundula meza ma akua kutolokala kitadi, ni ibhuna ia akua kusumbisa mêmbe. Anga ua ambela, uixi: ‘Kiosoneke kuma: “Inzo iami a kà ixana inzo ia kusamba.” Enu-phe mua i bhange ngenda ia kusuamena miíi!’”—Matesu 21:12, 13.

Ku hama ia dianga, o Jijudé akexile mu kuíza mu tembulu mu Jeluzaleme akexile mu tunda ididi iavulu, ni mu jimbanza javulu, akexile mu bheka o itadi ia mbanza iâ. Maji, ene a tokalele ku tolokala ni kitadi kia kexile ni valolo mu Jeluzaleme phala ku tena ku futa o lubhaku lua muvu mu tembulu, phala ku tena ku sumba ibhaku phala ku i satela, ni ku bhana maujitu a mukuá mu vondadi iâ. Kienhiki, akua ku tolokala o itadi, aia mu jikaxa phala ku tolokala o kitadi kia tokala o ixi ia Jeluzaleme phala ku kalakala nakiu. Mukonda o jifesa ja Jijudé ja zukamene, athu enhá akexile mu tolokala o itadi, ieji ta mu kaxa ia tembulu, mu inzo ia kufundisa ia athu ka bhezele Nzambi.

Jezú uambe kuma athu akexile mu tolokala o kitadi, a kondolokele o tembulu, akexile mu bhanga o tembulu “ngenda ia kusuamena miíi” ilondekesa kuila mu ku tolokala o kitadi, ene akexile mu bhinga kitadi kiavulu.