Itendelesu Phala Akuá Kiônge Kia Dikota

IÔNGE IA MUKUÁ IA-NDA BHITA MU KIÔNGE KIKI

KUKALAKALA KU BETELE Aboki oso a a batizala kiá, ala ni 35 kia mivu mba kiluua a tenesa o kitala kiki, andala kukalakala ku Betele, a tokala kuia mu kiônge phala ió a mesena o sidivisu íii, kia Sesa ku tádidi. A-nda bhana o ngolokela ia lungu ni kididi ni kithangana kia-nda bhita o kiônge kiki.

XIKOLA IA AKUNJI A UTUMINU Aboki a Thembu ioso ala mu kitala kia 23 ndu 65, a mesena ku sanzumuna o ukunji uâ, a exana phala kuia mu kiônge phala ió a mesena kudilonga o Xikola ia Akunji a Utuminu, kia Lumingu ku tádidi. A-nda bhana o ngolokela ia lungu ni kididi, ni kithangana kia-nda bhita o kiônge kiki.

ITENDELESU PHALA AKUÁ KIÔNGE KIA DIKOTA

ALONDEKEXI O Alondekexi a kalakala phala ku ku kuatekesa. Tua ku dióndo, belesela o jiphange jiji, kioso kia bhana itendelesu ia lungu ni kididi kia kubhaka o dikalu, njila ia tokala kubhitila o athu, kubhaka kididi, mba itendelesu ia mukua dingi.

BATIZU O ialu iala ku pholo, phala ió a-nda ku a batizala. Oso a-nda ku a batizala, a tokala kuxikama bhu kididi kiki, ande dia ku mateka o diskursu dia batizu, kia Sábhalu mu kamene. Kala muthu ua tokala kubheka dituaia ni izuatu ia tokala.

KUSÁNGELA Kuene mu bhinga kitadi kiavulu phala kubhanga ialu ia tokala, kuiudika o mitelembe ni kusumba ima ia mukuá, phala o kiônge kia dikota kubhita kiambote, ni ku tu kuatekesa kuzukama kua Jihova. O kitadi ki u bhana, kikuatekesa kusumba o ima íii, ki kuatekesa ue o kikalakalu kia kuboka ku mundu uoso. Se ua mesena kusangela kitadi, ta mu kaxa ioso-ioso iala mu kididi kiki. O Kibuka kia Utuminu, ki sakidila kiavulu o athu oso a sangela kitadi, phala ku kuatekesa o kikalakalu kia Utuminu.

AKUÁ KU SAKA Lembalala kuila, o kididi kiki, phala ku kuatekesa ngó ió a kuata uhaxi mu KITHANGANA KIKI.

IMA IA TEXIKA NI IO BONGE Ima ioso ia texika ni io bonge, a tokala ku iambata mu kididi kiki. Se ua jimbidisa kima, ua tokala uia mu ki sota bhu kididi kiki. O tuana tua jimbidila, kioso ki mua sanga, mua tokala ku a ambata bhu kididi kiki. Maji kana ku banza kuila, kiki kididi kia kutambula konda ia tuana. Tua mi dióndo, tambulenu konda ia tuana tuenu, a kale kumoxi ni enu.

IXIKAMENU Tua mi dióndo, kima kiambote kuxila akuenu. Mua tokala mu bhaka ngó kididi phala o athu a tokala ku muiji uenu, athu a mu kuendela kumoxi ni enu mu dikalu, athu a tungu kumoxi ni enu, mba ió a mu di longa o Bibidia ni enu. Tua mi dióndo, kana ku ta imbamba ku thandu a ialu, se ki mua mesena ku i bhakela athu.

IKALAKALU PHALA OSO A MESENA KU KUATEKESA Se ua mesena kukuatekesa mu kiônge kia dikota, ndé ua zuele ni jiphange a langa o kikalakalu kiki, n’a ku londekese o kididi bhu ua-nda kalakala.