Mukonda Diahi Tua Tokala Kuijiia Kiambote o Jingeleja?

Xinganeka kuila ua bhingi ku ku bhanga pelasá. Ua tokala u dielela o dotolo ua-nda bhanga o pelasá, mukonda o muenhu uê ua-nda kala bhu maku a dotolo. Ki kima kiambote ku sota kuijiia kiambote o uhete ua dotolo?

Kima kiambote ué kuijiia kiambote o jingeleja. Se uala kiá ni ngeleja iê, o muenhu uê mu nzumbi uala mu ngeleja íii. Kiki kilombolola kuila o ubhulukilu uê, uala mu ngeleja íii.

Jezú ua tu bhana ijila i tu kuatekesa kuijiia se o ngeleja ietu ia kidi muene mba kana. Muéne uambe: ‘O muxi a uijidila ku ibundu iê.’ (Luka 6:44) Mu kifika, kioso ki u tala mu ngeleja iê, ibundu iebhi i u mona? O kuila o atuameni a ngeleja a zuela kiavulu maka alungu ni kitadi? O kuila o athu aia mu ngeleja íii, a kaiela o itumu ia Bibidia ia lungu ni kuia mu ita ni ku kala ni ukexilu uambote? O kuila saí ngeleja i tua tokala o ku i dielela? Ijiia o itambuijilu mu milongi ia kaiela.