O Kuila Saí Ngeleja i Tua Tokala o ku i Dielela?

Se ua luuala mukonda dia ima ia iibha i u mona mu jingeleja, ku ua-nda tena ku ji dielela. Maji ijiia-kiu kuma, saí ngeleja i u tena o ku dielela. Kioso Jezú kia kexile mu ixi, muéne ua kexile ni kibuka kia akaiedi a jifiiele, iu ua a longo o ku belesela o itumu ia Nzambi. Katé lelu, saí hanji akaiedi a fiiele a Kristu—ene mu belesela o itumu ia Ukidistá. Kuebhi ku u tena o ku a sanga?

Estere, o muthu u tua mu tumbula kia mu milongi ia bhiti, u zuela: “Nga mateka kuijiia o Bibidia kioso ki nga mateka o ku di longa ni Jimbangi ja Jihova. Ki kua bhiti thembu iavulu phala ku tendela o izuelu i tu sanga mu divulu dia Nzuá 8:32, di zuela: ‘O kidi mua-nda ku k’ijiia, o kidi anga ki mi bhana ufôlo.’”

Ray, u tua mu tange kiá, uambe: “Mu ku di longa o Bibidia ni Jimbangi ja Jihova, nga di longo kuila Nzambi ki muene uala ni kikuma kia hadi i tala o athu. Nga sakidila kiavulu mu ku mona kuila Nzambi ua lungu mu kuehela o kuiibha mu ngongo kate lelu, maji muéne ua kanena ku zubha o kuiibha kuoso ku hádia.”

Ku bhonza kiavulu ku kala ni ukexilu uambote ku mundu iú ua iibha. Maji tu tena ku di tunda kiambote. Athu avulu a bhingi kikuatekesu phala ku tendela ni ku belesela o milongi ia Bibidia. Kiki kiene ki bhangesa o Jimbangi ja Jihova, ku longa o Bibidia ku mazunda ni mazunda a athu ku mundu uoso. Semana joso, mundu uavulu ua mu di longa ihi i longa o Bibidia. Mukonda dia kiki, ene a mu zukama ku Mubhangi, ni ku sanga o ku zediua kua kidi ku muenhu.a

Kioso ki u di sanga ni Jimbangi ja Jihova, mukonda diahi ku a ebhuidisa se mukonda diahi a dielela ku ngeleja iâ? Ijiia o ilongesu iâ ni musoso uâ ni u mone se saí ngeleja i u tena o ku dielela.