IBHUIDISU IA BIBIDIA IO TAMBUIJILE
Kiebhi kia-nda kala o athu ku hádia?
Kiebhi o kufua kua jezú ku bhangesa o athu ku di suua?
Sé phata, o jingijiie a-nda suluka ni ku bhanga ima iavulu ia katunda. Maji o kuila a-nda tena ku longa o athu oso ku di zola kala muthu ni mukuá? Kana. Lelu, o ixi iezala ni athu a di banza ngó ene mu ene. Maji Nzambi ua kanena ku bhanga ima iambote phala o athu mu ngongo.—Tanga 2 Phetele 3:13.
O Mak’â Nzambi a tu tangela kuila hádia o athu mu ngongo a-nda di zola ni muxima uoso kala muthu ni mukuá. O athu a-nda tunga mu madiembu a kondama ki mua-nda moneka muthu u a kuatesa uôma.—Tanga Mikeia 4:3, 4.
Hádia o athu ka-nda di banza ngó ene mu ene kana
Nzambi ka bhange o athu phala ku di banza ngó ene mu ene. Maji mu ku sola ku bhukumukina Nzambi, o diiala dia dianga ua texi o kuiuka kuoso. O ukexilu ua ku di banza ngó etu mudietu, tua u lunduka ku diiala didi. Maji Nzambi bhu kaxi ka Jezú, ua-nda bhangesa o athu ku kala dingi ni maukexilu ambote kála kia-ndala muéne.—Tanga Loma 7:21, 24, 25.
Jezú uafu mukonda kiene kia mesenene Nzambi, phala ku kula o athu mu ituxi iejila mu ku bhukumuka kua Adá. (Loma 5:19) Mukonda dia kufua kua Jezú, o athu a tena ku dielela ku tunga mu ixi mu ezala ni athu ambote a di banza kala muthu ni mukuá, a kamba ku bhanga ima ia iibha.—Tanga Jisálamu 37:9-11.