Ibhuidisu ia Bibidia io Tambuijile
O kuila ku hádia o uadiama mu ngongo ua-nda kubhua?
Kiebhi Nzambi kia-nda zubha o uadiama mu ngongo Matesu 6:9, 10.
O uadiama uene mu jibha jimidi ni jimidi ja athu mivu ioso ni kuzetuka ni mauhaxi. Sumbala saí jixi ala jimvuama, maji mu jixi jamukuá muala uadiama uavulu. O Bibidia ilondekesa kuila o uadiama maka okulu.—Tanga Nzuá 12:8.
Kua bhingi nguvulu u tumina o mundu uoso phala kuzubha o uadiama. O unguvulu iú ua tokala u kala ué ni kutena kua ku uana kiambote o kudia, ni kuzubha o ita iene mu bheka o uadiama. Nzambi ua kanena nguvulu ua-nda tumina o mundu uoso.—Tanga Daniiele 2:44.
Nanhi ngó u tena kuzubha o uadiama mu ngongo?
Nzambi ua solo Mon’ê Jezú phala ku kala sobha ia mundu uoso. (Jisálamu 2:4-8) Jezú ua-nda zubha o uadiama ni kizukutisu ni ujibhangânga.—Tanga Jisálamu 72:8, 12-14.
Kala kia ki kanena, o “Kilamba kia Paze,” Jezú, ua-nda bheka mundu ua tululuka ua kondama. Athu oso mu ixi a kà kala mu jinzo jâ, a-nda kala ni salu iambote, ni kudia kuavulu.—Tanga Izaia 9:6, 7; 65:21-23.