IBHUIDISU IA BIBIDIA IO TAMBUIJILE
O kuila o athu afu a tena dingi kuvutuka ku muenhu?
o mubhangi ua muenhu u tena kubhangesa o muthu ua fu kiá kuvutuka dingi ku muenhu
Jihova Nzambi muéne ua Bhange o muenhu. (Jisálamu 36:9) Kiki kilombolola kuila, muéne u tena kubhana dingi muenhu kua ió afu kiá. O Bibidia i tu tangela kuila, muéne ua-nda bhanga kiki ku hádia. (Tanga Ikalakalu 24:15) Maji mukonda diahi muéne ua-nda bhanga kiki?
Ku dimatekenu, o Mubhangi uetu ua mesenene kuila o athu a kala ni muenhu ua kalela-ku mu ixi. (Dimatekenu 1:31; 2:15-17) Kiki kiene hanji kia mesena muéne phala o athu. Muéne u divua kia iibha kioso kia mona o hadi i tua mu tala lelu—o muenhu uetu uezala ni malamba avulu, ki u nangenena ué.—Tanga Jobe 14:1, 14, 15.
Kuebhi kua-nda kala o athu a-nda fukunuka?
O kuila Nzambi ua bhange o athu phala kukala ku diulu? Kana. Nzambi ua bhange o ji-anju phala kukala ku diulu. Muéne ua bhange o athu phala kukala mu ixi. (Dimatekenu 1:28; Jobe 38:4, 7) Kienhiki, xinganeka o athu a fukununa Jezú. O athu a fukunukine akexile muene mu ixi. Athu avulu ué a-nda kua fukununa ku hádia, a-nda kala mu ixi.—Tanga Nzuá 5:28, 29; 11:44.
Maji Nzambi ua solo athu a-nda kua fukununa phala kukala ku diulu, ene a-nda tambula mikutu ia nzumbi. (Luka 12:32; 1 Kolindo 15:49, 50) O athu enhá, a-nda kala Jisobha mu ku tumina o ixi kumoxi ni Jezú Kristu.—Tanga Dijingunuinu 5:9, 10.