Tu Londekesa o Kisakidilu Kietu
O Lembalasa ia Jezú, A-nda ku i Bhanga mu Kizuua Kia 17 kia Mbeji ia Kasamanu
1. Ibanzelu iebhi ia mukuá jisalamu, i tu kuatekesa mu kithangana kia Lembalasa ia Jezú?
1 Mu ku mona o ukexilu ua Jihova ua jihenda, ni ua ku bhulula, o mukuá Jisalamu ua dibhudisa: “Kiki-phe ngi bhakula kima kiahi kua Jihova, mu mbote joso jene mu ngi bhanga?” (Jisá. 116:12) Lelu, o jiselevende ja Nzambi, ene mu londekesa o kisakidilu kiâ mu kukula. Mu ku bhita jihama ja mivu, kioso kia soneka o izuelu íii, Jihova ua bhana ujitu ua dikota—o ujitu iú, o kukula. Tuala polondo phala ku lembalala o kufuá kua Kristu, mu kizuua kia 17, kia Kasamanu, tua kijiia kuila tuala ni ima iavulu phala kulondekesa o kisakidilu kietu mu kukula kua Kristu.—Kol. 3:15.
2. Mukonda diahi tu londekesa kisakidilu mu kukula kua Jezú?
2 O Mabesá Ejila mu Kaxi ka Kukula: Mu kaxi ka kukula, tu tena ku tambula “o muloloki ua ituxi ietu.” (Kol. 1:13, 14) Kiki, ki tu kuatekesa ku bheza Jihova ni kitongoluelu kia zele. (Jihe. 9:13, 14) Ki tu bhana ué ufolo ua kuzuela ni Jihova mu musambu. (Jihe. 4:14-16) Oso alondekesa kixikanu mu kukula kua Jezú, a-nda kala ku muenhu ua kalelaku!—Nzuá 3:16.
3. Kiebhi ki tu tena kulondekesa o kisakidilu kietu kua Jihova, mukonda dia kukula?
3 Londekesa Kisakidilu: O kima ki tua tokala o ku bhanga phala kulondekesa kisakidilu mu kithangana kia Lembalasa ia Jezú, o ku tanga o ibatulu ia Bibidia ia lungu ni lembalasa izuua ioso, ni ku xinganeka. O Mulangidi ua 1 ua Kasamanu ua 2011 mu phutu, mu mbandu uala ni diambu: “Você está preparado para o dia mais importante do ano? O milongi íii, a i pelepalala phala ku tu kuatekesa ku bhanga kiki. Tu tena ué kuzuela mu musambu kua Jihova, kuma tua sakidila kiavulu mu ku tu bhana o kukula kua mon’ê. (1 Tes. 5:17, 18) O ku kala mu kizuua kia Lembalasa ia Jezú, kulondekesa kuila tua mu belesela ni ku mu sakidila. (1 Kol. 11:24, 25) Kienhiki, tu tena ku kaiela o henda ia Jihova, mu kuixana akuetu, phala ku kala n’etu mu kizuua kia lembalasa ia Jezú.—Iza. 55:1-3.
4. Ihi i tua tokala o ku bhanga?
4 O jiselevende ja Jihova ka mono kuila o kizuua kia Lembalasa ia Jezú, kizuua kioso-kioso ngó. Kiki, kiene o kiônge kia beta dingi kota ku muvu! Mu ku zukama o Lembalasa ia Jezú, o ibanzelu ietu ia tokala i kala kála kia soneka o mukuá jisalamu: “Tanesa Jihova, muxima uami, mbote jê joso ki ji ku jimbe.”—Jisá. 103:2.