Umbangi ua Dikota, A-nda ku u Bhana
1. Ihi dingi i bhangesa o ajitu ku diuana, mu kithangana kia lembalasa ia ufuilu ia Jezú? Jimbulula.
1 Kizuua kuxi? Mu usuku ua Lembalasa ia Jezú. O athu u tua exana, a bhanga nguzu phala ku kala n’etu. O ima evua o ajitu, ki iene ngó i a bhangesa ku diuana. Kioso kiabhu o Lembalasa ia jezú, saí muhatu ua zuela ia lungu ni ima ia mono—o ukamba ulondekesa o jiphange, o kididi kia fuama ni ku zela, io tunge ku jimbangi a di bhakula mu vondadi iâ. Mu kiki, etu oso ki o mulongexi ngó, tua tokala ku bhana umbangi uambote mu kithangana kiki, kia beta dingi kota ku muvu.—Efezo 4:16.
2. Kiebhi etu enioso tu tena ku bhana umbangi uambote ku ajitu?
2 Menekena ni kisangusangu kioso o ajitu: O kisangusangu kietu mu ku menekena o ajitu, kia-nda bhana umbangi. (Nzuá 13:35) Né muene se ki u tena kuzuela ni athu oso, eie u tena hanji ku menekena ni kisangusangu kioso, o athu ala bhu mbandu iê. (Jih. 13:1, 2) Tonginina kiambote se bhuala mujitu, kejiia muthu mu kilunga. Nange ene a tambula o kamukanda kaka, kioso kia kexile mu a bhana. U tena ku ibhula, “O kuila lelu o kizuua kiê kia dianga kuíza bhabha?” U mu exana phala ni u xikame nê kumoxi, mu ku kaiela-ko, tambuijila o ibhuidisu iê nange iala na-iu. Se o kilunga kiê kia tokala ku tunda ni lusolo phala ku xisa o kididi phala o kilunga kiéngi, eie u tena kuzuela kuila: “Nga mesenene kuijiia kiebhi ki ua mono o milongi íii. “Kiebhi ki ngi tena ku u sanga phala tu zuele dingi ia lungu ni maka enhá?”
3. Kiebhi ki tu tena ku sangesa ió a zoza kene mu boka dingi?
3 Zuela tu sangienu-ko ku jiphange a zoza (inactivo): Sé phata, o aboki a zoza kene mu boka dingi a-nda kuiza mu lembalasa ia Jezú, katé ió eza ngó kioso kia mesena, a-nda kala ni kilunga mu kizuua kia Lembalasa ia Jezú. U a sangesa ni kua zuela kuila tua sanguluka mu ku mi mona. (Lom. 15:7) O tufunga a tena ku a kunda ku jinzo jâ, phala kua a suínisa ku vutuka ku dilunga ni kilunga. Kienhiki, ni misambu ietu, ia-nda kua bhangesa ku bhana kijingu kua Nzambi, kana ngó mu ima iévu, maji ué mu ima ia mona, ‘mu ikalakalu ietu iambote.’—1 Phe. 2:12.