Kusangesa o Ajitu Etu

Mu kizuua kia 23, mu mbeji ia Katanu, 12 a jimidi a ajitu ndenge, a-nda ia mu Lembalasa. O ajitu a-nda katula mbote iavulu, kioso o mulongexi kia-nda bhanga o diskursu, dia-nda jimbulula o mbote i bhekela o kukula kua bhana Jihova, ni mabesá a-nda tambula o athu ku hádia! (Iz 11:6-9; 35:5, 6; 65:21-23; Nz 3:16) O mulongexi, ki muene ngó ua-nda bhana umbangi ku athu mu kizuua kiki kia katunda. Etu oso, tua tokala kusangesa o ajitu etu. (Lo 15:7) Tanga o jindunge jiji.

• Kana kuxikama ngó bhu kididi kiê, phala kukingila o milongi kumateka, sangesa o ajitu ni ió a zoza ni ngalasa ioso

• Kana kusuua ngó o ajitu a ku tokala, sangesa ué o ajitu a exana ku aboki engi. Xikama n’ê ni kutanga o Bibidia ni kuimbila kumoxi

• Kioso kia-nda bhua o kiônge, kala polondo phala kutambuijila o ibhuidisu. Se o kithangana ki ki bhana, mukonda dia kilunga kiéngi kia-nda bokona, di sokejeke phala kukunda o muthu mu kizuua kiéngi. Se ki uejiia kuebhi kua tungu, nange u tena kuzuela: “Nga mesena kuijiia se ua uabhela o milongi. O kuila ngi tena ku kusota kubhata diê?”