Testemunhas de Jeová—Organizadas para Pregar as Boas Novas

Mu 100 ia mivu ndenge, o Jimbangi ja Jihova ene mu diongeka phala ku boka o njimbu iambote. A boka o njimbu a ijiia ku mundu uoso, etu tu boka o njimbu íii mu madimi avulu, ni mu 230 a jixi ndenge. (Mat 24:14) Mukonda diahi kua bhingi o kikalakalu kiki? Kiebhi kia mu bhanga o kikalakalu kiki ku mundu uoso? O vídeo Testemunhas de Jeová—Organizadas para Pregar as Boas Novas i tambuijila o ibhuidisu íii, mu ku bhana itendelesu iavulu ia kikalakalu kietu ku mundu uoso. Kioso ki mu zubha ku mona o vídeo, xinganeka mu ibhuidisu ia kaiela.

Kiebhi o vídeo íii, ia bandekesa o ku uabhela kuê mu (1) nguzu ia mu bhanga o kilunga kia Jihova phala ku boka o njimu iambote? (2 Tim. 4:2) (2) miji ioso ia Betele ku mundu uoso? (3) milongi ia bhana ku alongexi ku jixi jengi ni tufunga tua ilunga? (2 Tim. 2:2) (4) valolo ia ku mateka o kizuua ni kibatulu kia Bibidia, ni ku pelepalala semana joso phala o iônge mu kilunga? (Ikalakalu 17:11) (5) mbote ijila mu ku diongeka mu iônge ietu? (Jihe. 10:24, 25) (6) mabesá u ua-nda tambula kioso o ixi ioso ia-nda kala Palaízu? (Iza. 11:9) (7) ujitu u uala nau, ua ku bhanga mbandu ia kikalakalu kia ku bhongolola?—Nzuá 4:35.

O vídeo íii, ilondekesa kuma ujitu uambote phala ku kuatekesa o athu a xikina mu kikalakalu kia bhanga ku mundu uoso ku Jimbangi ja Jihova. (8) Kizuua kuxi ki tueji londekesa ku maxibulu metu a Bibidia, jindandu, ni a mukuá? (9) Kiebhi ki uene mu divua kioso ki ulondekesa o vídeo íii?

Kioso ki tu xinganeka mu ioso ia mu bhanga Jihova, tu di suínisa ku kala ni ibanzelu kala ia mukua jisalamu: “Jihova, Nzambi iami, madiuanu mê avulu mu ua kalakala, ni ibanzelu iê mu ku tu banza etu; se-ku muthu u soka n’eie’ (Jisá. 40:5) Tu tena ku katula mbote mu vídeo íii, phala ku kuatekesa akuetu, kulondekesa kiximanu kua Jihova, ni mu kilunga kiê!