Testemunhas de Jeová—Fé em Ação, Parte 2: Deixam a Luz Brilhar
Kioso o phange Rutherford ni makamba mê kia a katula mu’aleia ku muvu ua 1919, kua moneka kikalakalu kia dikota phala o Adilongi a Bibidia. Kála kio londekese mu vídeo Testemunhas de Jeová—Fé em Ação, Parte 2: Deixam a Luz Brilhar, o Adilongi a Bibidia eji kala ni jinguma javulu. O ku tendela kuâ kua Bibidia ni kixikanu kiâ, kueji ia ni ku dibandekesa. (Jisa. 4:18; Mal. 3:1-3; Nzuá 15:20) O kuila u tena ku tambuijila o ibhuidisu íii kioso ki ua-nda tala o vídeo?
(1) Ndunge jebhi ja soto o Adilongi a Bibidia, phala ku sanzumuna o njimbu iambote? (2) Ihi ia bhiti mu iônge ia makota ku muvu ua 1931 ni 1935? (3) Milongi iebhi ia beta-kota ia zuela O Mulangidi ua 1 ua mbeji ia Kamoxi ua muvu ua 1939? (4) Jimbulula ia bhiti kioso o phange Rutherford kia bhange o diskursu diambe, “Unguvulu ni Paze.” (5) Mukonda diahi o diskursu dia bhange phange Knorr diambe, “O Paze i tena ku nangenena” dia tokalele muene? (6) Ihi ia bhange o Jimbangi ja Jihova ku muvu ua 1942, phala ku sanzumuna o kikalakalu kia kuboka? (7) Lombolola o kufundisa kua bhiti mu jixi ja Estados Unidos, Canadá ni Grécia. (8) Kikuatekesu kiebhi kia bhana o xikola ia Ngiliiade mu ukudilu ua kikalakalu kia kuboka? (9) Kikalakalu kiebhi kia beta-kota kia mateka ku muvu ua 1946 ni mukonda diahi? (10) Ihi ia bhange o Jimbangi ja Jihova phala ku mona se o uendelu uâ, ua mu kaiela muene o itumu ia Bibidia? (11) Jimbulula ihi io bhilule ku muvu ua 1970, phala ku mona se o kilunga kia kexile muene mu kaiela o itendelesu ia mikanda ikôla. (12) Kiebhi o vídeo íii, ia ku kuatekesa kuijiia kuila Jihova ua mu langa ioso ni kuendesa o kilunga kiê? (13) Kiebhi o vídeo íii, ia ku suínisa ku boka sumbala ni ibhidi? (14) Kiebhi ki tu tena ku kuatekesa o miji ietu, maxibulu ni athu engi bhu kaxi ka vídeo íii?
Kala kizuua ki bhita, ku di bandekesa kibatulu kiéngi ku misoso ia Jimbangi ja Jihova. Ihi ia-nda zuela o isoneku ia lungu ni ikalakalu ietu ia kuboka? Kala kia bhange o jiphange jetu m’ukulu, tu kolokote-nu ni ku suína mu kuehela kuila ‘o mukengeji u muikine mua vundu!’—2 Kol. 4:6.