Testemunhas de Jeová—Fé em Ação, Parte 1: Da Escuridão para a Luz
Mu Bibidia, o mukengeji a u sokesa ni kidi, maji o kitombe a ki sokesa ni makutu. (Jisá. 43:3; Iza. 5:20) Satanaji ua bheka o kitombe ku mundu kioso kia nganala Eva iu ua bhangesa o athu ku kala mu kitombe. (Dij. 12:9) O vídio, Testemunhas de Jeová—Fé em Ação, Parte 1: Da Escuridão para a Luz ilondekesa kiebhi o mukengeji ua mateka ku moneka mu kitombe. (Iza. 60:1, 2) Kioso ki ua-nda mona o vídio, o kuila u tena ku tambuijila o ibhuidisu íii?
(1) Kiebhi kia dimendala o kitombe kioso o jipoxolo kiafu? (2) Mu ku mateka ni muvu ua 1100, ihi ia kuatekesa o athu ku mona kuila o jingeleja ki ja kexile mu longa o kidi? (3) Nanhi uexile Henry Grew ni George Storrs? (4) Izulukutu iebhi ia bhiti ku muenhu ua Charles Russell ni kiebhi ki ia mu kuatekesa? (5) Kiebhi o Phange Russell ni tat’ê ni a mukua, a longo o Bibidia, ni disukilu diebhi dia bhixila? (6) Ihi ia bhange o kibuka kia Adilongi a Bibidia ni kibuka kia Nelson Barbou’s, maji ihi ia bhange Phange Russell phala ku tunda? (7) Ihi ia bhiti ku muvu ua 1879, ni ku bheka mukengeji ua ubhe mu nzumbi? (8) Kioso kia bhiti kiki, ihi ia bhangesa o Adilongi a Bibidia ku muanga o njimbu iambote? (9) Mu ku kamba hanji mivu phala ku bhixila ku muvu ua 1914, ihi ia bhange o Adilongi a Bibidia mu ku kingila o muvu iú? (10) Ibhidi iebhi ia dibhana na-iu o Adilongi a Bibidia, kioso o phange Russell kiafu? (11) Ihi ia bhange o Adilongi a Bibidia kioso kia katula mu kaleia o Phange Rutherford ni makamba mê? (12) Kiebhi o vídio íii, ia bandekesa o kixikanu kiê mu kilunga kia Jihova? (13) Kiebhi o vídio íii, ia-nda ku kuatekesa ku kolokota ni ku suína mu ku boka, sumbala ni ibhidi? (14) Kiebhi ki tu tena ku katula mbote mu vídio íii, phala ku kuatekesa o jindandu jetu, maxibulu metu a Bibidia ni athu a mukua?
Iú, ujitu ua dikota mu nzumbi ua tu xila o Adilongi a Bibidia phala etu! Sumbala akexile ku mundu uezala ni kitombe, ene a tu suínisa ni ku tu kolokotesa mu mukengeji ua nzumbi. Tu tena ku kaiela o phangu iâ, mu ‘kuenda kala tu an’a mukengeji.’—Efe. 5:8.