Uala mu Ukexilu Uebhi?

Kiki kibhuidisu kiambote phala ku bhanga, kia lungu ni divulu di tua mesena ku bhana. Divulu dioso-dioso ka di lange kiambote, mba dia xidi, mba dia tanduka, di katula kijingu kia kilunga kietu, ni di bhangesa mukua dibhata ku kamba kuívua kiambote o njimbu iambote i bhana o muenhu, iala mu divulu.

Kiebhi ki tu tena ku langa kiambote o divulu dietu? Athu avulu, a uabhela ku sokejeka o mbuenga iâ, mu ku ta o madivulu a difu mu mbandu imoxi. Mu kifika, moxi dia mbuenga, muala kididi phala o madivulu, phala o Mulangidi ni Despertai!, ni tumikanda. Kioso kia zuela ni akua dibhata, ene a vutuila kiambote o Bibidia mu mbuenga ni divulu dia mukua, phala ka zange o madivulu. Saí aboki, a bhaka o madivulu’â mu ka mbuenga a ka bhange phala o madivulu ji kapa ja palastiko. Ki tu mesena ku bhangesa athu kuzuela kia iibha ku ukunji uetu, mu kua bhana madivulu o zange.—2 Kol. 6:3.