Kuinhi ni Iiadi Dia Ima i tu Bhangesa ku Boka o Njimbu

Mukonda diahi tuene mu boka ni ku longa mu inzo ni nzo? O kuila o kima kia dianga, o ku kuatekesa athu a uabha o mixima kuenda mu njila ia muenhu? (Mat. 7:14) Kiki, kiene o kima kia dianga kiala ku luiji, maji ki kiene o kima kia beta-kota phala etu. Mudiê, mu 12 dia ima iala ku luiji, kiebhi kia beta dingi kota ki tu bhangesa ku boka o njimbu iambote?

1. O sidivisu ia kuboka i tu kuatekesa ku bhulula mienhu.—Nzuá 17:3.

2. I tu kuatekesa ku dimuna o athu a iibha.

—Ize. 3:18, 19.

3. I kuatekesa o ki kumbidilu kia kikanenu kia Bibidia.—Mat. 24:14.

4. Ilondekesa o kuiuka kua Nzambi. Se-ku muthu u tena kuzuela kuila, Jihova ka bhane kithangana phala o athu a iibha ku diela ande dia kua buika.—Ikalakalu 17:30, 31; 1 Tim. 2:3, 4.

5. I kumbidila o kikalakalu kietu kia tu bhana kia ku kuatekesa o athu, a a sumbu ni manhinga a Jezú.

—Lom. 1:14, 15.

6. I tu bhangesa ku kala sé kikuma kia manhinga.

—Ikalakalu 20:26, 27.

7. Ku bhanga kiki ku tu bhulula. —Ize. 3:19; Lom. 10:9, 10.

8. Ilondekesa henda ku akuetu. —Mat. 22:39.

9. Ilondekesa kuila tua mu belesela Jihova ni Mon’ê.—Mat. 28:19,20.

10. I bhanga mbandu ku ubhezelu uetu.—Jihe. 13:15

11. Ilondekesa o henda ietu kua Nzambi.

—1 Nzuá 5:3.

12. I kuatekesa ku zelesa o dijina dia Jihova.—Iza. 43:10-12; Mat. 6:9.

Mu kidi, íii ki iene ngó o ima i tu bhangesa ku boka o njimbu iambote. Mu kifika, o sidivisu ia ku boka i suínisa dingi o kixikanu kietu ni ku tu bhana o ujitu ua ku kala tu akunji a Nzambi. (1 Kol. 3:9) Maji, o kima kia beta dingi kota ki tu bhangesa o ku boka o njimbu iambote, o kijimbuete kia 12. Ki kale se athu a tuívua mba kana, o ukunji u kuatekesa ku zelesa o dijina dia Jihova, n’a tambuijile ió uene mu ku mu sebhulula. (Jisa. 27:11) Mu kidi, tuala ni ima iavulu i tu bhangesa ‘ku suluka sé ku fula mu ku longa ni ku boka o njimbu iambote.’—Ikalakalu 5:42.