Ifika ia Bhebhuluka

Mateka o ku Longa o Bibidia mu Sábhalu ia Dianga mu Mbeji ia Kauana

“Saí athu a banza kuila Diabhu muéne ua mu bheka o hádi ioso iene mu ngongo. Maji né kiki, ene a dibhula: ‘Diabhu ua tundu kuebhi? O kuila Nzambi muéne ua mu bhange?’ Ihi i u banza? [Ehela o muthu n’a tambuijile.] Tala izuela o Mulangidi iú.” Londekesa ku dima dia Mulangidi ua Kauana, tanga o mbandu ia dianga ni kibatulu kia Bibidia. Bhana o Mulangidi ku mukuá dibhata, ni u zuele o kizuua ki ua-nda vutuka, phala ku di longa o kibhuidisu kia kaiela.

O Mulangidi 1 ua Kauana

“Tua mesena kuijiia se ihi i u banza ia lungu ni muthu a mu xila kiavulu ku Jikidistá, Jijudé, ni ji muçulmanos. O muthu u tua mu tanga Mozé. Ihi i u xinganeka kioso ki u banza mu dijina didi? [Ehela o muthu n’a tambuijile.] Sumbala muéne ua luezele tala ihi i zuela o Bibidia ia lungu ni Mozé. [Tanga Matendelelu 34:10-12.] Mu mulangidi iú tu sanga-mu ídifua itatu ia Mozé, i tu londekesa ué kiebhi ki tu tena ku mu kaiela.”

Despertai! Kauana

“Lelu tuene mu mona athu avulu aia mu jixi jengi phala ku sota o ukexilu ua muenhu uambote. Mudiê, o kuila ene a sanga o ukexilu ua muenhu uambote? [Ehela o muthu n’a tambuijile.] O ukexilu iú ki ua lelu ngó. Tala mu Bibidia o muthu ua bhangele ué kiki. [Tanga dimatekenu 46:5, 6.] O Despertai didi, di tambuijila o ibhuidisu íii.” Londekesa ku mukuá dibhata o ibhuidisu ia suku mu milongi ia dianga.