Ifika ia Bhebhuluka

Mateka o ku Longa o Bibidia mu Sábhalu ia Dianga mu Mbeji ia Kauana

“O athu u tua zuela nau ala ni ibanzelu iâ, ia lungu ni Bibidia. Saí iâ a banza kuila o Bibidia mak’a Nzambi, maji a mukuá a banza kuila divulu dioso-dioso. Ihi i u banza ia lungu ni Bibidia?” Ehela o muthu n’a tambuijile. Bhana O Mulangidi ua 1 ua mbeji ia Kauana, muidikise o mbandu ia sukina ia Mulangidi muala o maka enhá, tanga o kibhuidisu kia dianga, tanga kibatulu kimoxi kia Bibidia. Bhana O Mulangidi ku mukuá dibhata, ni u zuele o kizuua ki ua-nda vutuka, phala ku mu longa o kibhuidisu kia kaiela.

O Mulangidi 1 ua Kauana

“Athu avulu a mesena kuila o ita ibhua. Mudiê, o kuila saí kizuua kua-nda kala paze ku mundu uoso? [Ehela o muthu n’a tambuijile.] Tala ihi i kanena o Bibidia. [Tanga Jisálamu 46:9.] O izulukutu ia bhiti ku Ita ia Dianga ku Mundu, i tu bhana kidielelu kia kuila kua kambe ngó bhofele Nzambi, ua-nda kumbidila o kikanenu kiki ni ku zubha o ita. O kadivulu kaka, ka jimbulula o maka enhá.”

Despertai! Fevereiro

“Tua mu zuela maka a bhindamena athu oso. Lelu, o kithangana kia tolo, phala ku bhanga o ima ioso i tua mesena. O kuila kiki, ki bhita mukonda tuala ni ima iavulu ia ku bhanga, inga tuene mu zanga o kithangana kietu mu ima sé valolo? [Ehela o muthu n’a tambuijile.] Athu avulu, kejiia o itendelesu i bhana o Bibidia ia lungu ni ku katula mbote mu kithangana kietu. Tala o kibatulu kiki. [Tanga Filipe 1:10a.] O Despertai! didi, di jimbulula milongi i uana, iene mu kuatekesa athu avulu ku ngastala kiambote o kithangana kiâ.