Ifika ia Bhebhuluka

Itendelesu Phala ku Longa o Bibidia mu Sábhalu ia Dianga ia Mbeji ia Kasamanu

“Tua mu suínisa o ji vizinhu jetu, n’â tange o Bibidia iâ. Maji saí athu a banza kuila o Bibidia ia bhonzo kiavulu phala ku i tendela. O kuila kiene mu bhita ué n’eie? [Ehela o muthu n’a tambuijile.] Tala o izuelu iala mu kadivulu kaka.” Londekesa ku dima dia Mulangidi ua 1, ua mbeji ia Kasamanu, ni u tange n’e kumoxi o kibhuidisu kia dianga ni kibatulu kia Bibidia. Mu bhane o mulangidi, ni u bakana né phala ku mu kunda dingi ni mu zuele o kibhuidisu kia mukuá.

O Mulangidi 1 ua Kasamanu

“O athu oso u tuene mu zuela nau, ene mu dibhana ni maka. Kiki ki bhangesa o athu ku dibhudisa se muenhu uala ni valolo. Mudiê, ni maka oso u tuene mu bhita nau, o kuila tu tena ku sanga o ku zediua lelu?” [Ehela o muthu n’a tambuijile.] O Bibidia i kanena kuila Nzambi ua-nda zubha o maka oso u tuene mu dibhana nau. [Tanga Dijingunuinu 21:4.] O mulangidi iú, u zuela maka alungu ni ihi ia-nda bhita ku hádia n’etu, ni kiebhi ki tu tena ku kala ni muenhu ua valolo lelu.”

Despertai! Kasamanu

“O ku di beta kua makaza mu mabhata, maka ene mu bhita ku mundu. Saí athu amba kuila o makaza ene mu di beta mukonda dia ukexilu ua kudila o muthu, mba o muiji, mba ku di kuata ifuá. Mudiê, ihi i ua banze, o kuila o ji pondo jiji ja tokala ku bhangesa o makaza ku di beta mu mabhata? [Ehela o muthu n’a tambuijile.] O Bibidia i londekesa se ukamba uahi ua tokala o ku kala nau o diiala ni muhatu. [Tanga Efezo 5:33.] O Despertai! didi di londekesa kiebhi o makaza a mukuá kiene mu ditunda kiambote mu ku kumbidila o kitumu kiki, ni itumu ia mukuá.”