Ifika ia Bhebhuluka

Xinganeka ku Longa o Bibidia mu Sábhalu ia Dianga mu Mbeji ia Kasamanu

“Jezú ua tendelesa o akaiedi’ê ku lembalala o kufuá kuê ku mivu ioso. Mudiê, kiebhi kia tokala ku lembalala o ufuilu ua Jezú? [Ehela n’a tambuijile.] O Mulangidi iú, ujimbulula kiebhi kia tokala ku bhanga kiki. Jikula mu mbandu ia 8 ni ku jimbulula o pondo ia dianga ia milongi ni ku tanga kibatulu kimoxi. Mu suku-ko, bhana o Mulangidi ua 1 ua mbeji ia Kasamanu ku mukua dibhata, ni kuzuela se kizuua kiebhi kia ua-nda vutuka dingi, phala ku di longa o kibhuidisu kia kaiela.”

O Mulangidi 1 ua Kasamanu

“Kristu uambela o akaiedi’ê ku di zola mudiâ, kála kia a zolele muéne. O kuila lelu tua tokala ué ku di zola kála kia bhange o akaiedi a Jezú m’ukulu? [Ehela n’a tambuijile.] Tala o kibanzelu kiki kia Bibidia. [Tanga Nzuá 13:34,35.] O Mulangidi iú, ua-nda ku kuatekesa dingi kuijiia ia lungu ni kitumu kiki kia bhana Jezú, kia lungu ni maka enhá.”

Despertai! de Abril

“Tua mu bhanga kikalakalu ki kuatekesa o miji. O kuila u xikina kuma o miji a mu dibhana ni ibhidi iavulu lelu? [Ehela n’a tambuijile.] Tala kuebhi o miji a tena ku sanga kitendelesu kia tokala. [Tanga Jisálamu 119:105.] O Despertai! didi, dijimbulula jindunge ji kuatekesa o tata ia kaiiadi, ku dibhana kiambote ni ibhidi, mu ku kaiela o itumu ia Bibidia.”