Ifika ia Bhebhuluka

Mateka o ku Longa o Bibidia mu Sábhalu ia Dianga mu Mbeji ia Kavua

“Athu avulu ku diembu dietu a mesena ku nangenena ku muenhu ni ku sanguluka. Mudiê, o kuila o ima iene mu bhanga o jingijiie ni ji dotolo ia-nda tu bhangesa ku nangenena ku muenhu? [Ehela o muthu n’a tambuijile.] Tala o mulangidi iú.” Bhana o Mulangidi ua 1 ua mbeji ia Kavua, muidikise o mbandu ia sukina ia Mulangidi muala o maka enhá, tanga o kibhuidisu kia dianga, tanga o kibatulu kimoxi kia Bibidia. Bhana o Mulangidi ku mukuá dibhata, ni u zuele o kizuua ki ua-nda vutuka, phala ku di longa o kibhuidisu kia kaiela.

Kitendelesu: A tokala ku bhanga o kifika mu kiônge kia sidivisu ia ku boka mu kizuua kia 6 ia mbeji ia Kavua.

O Mulangidi 1 ua Kavua

“Athu avulu u tua zuela nau ala ni jingeleja jâ. Maji saí iâ a zuela kuila ka dielela dingi ku jingeleja. Ihi i u banza ia lungu ni jingeleja? [Ehela o muthu n’a tambuijile.] Jezú ua bhana milongi i tu kuatekesa kuijiia o ngeleja iambote. [Tanga Luka 6:44a.] O Mulangidi iú, u jimbulula o ima iene mu bhanga o jingeleja. I tambuijila ué o kibhuidisu kiki, o kuila saí ngeleja i tu tena ku dielela?”

Despertai! Kavua

“Tua mu kunda o jivizinhu jetu, phala ku a tangela maka ene mu thandanganhesa o athu—o ku kamba ku fundisa kiambote. Saí athu, mukonda dia ku kamba ku a fundisa kiambote, a bhanga ibuka phala ku zoka ni ió ala ku pholo. O kuila o athu a bhanga o ima íii a tena ku batula o maka? [Ehela o muthu n’a tambuijile.] O Bibidia i zuela se nanhi u tena ku batula o maka enhá ku mundu uoso. [Tanga Matesu 6:9, 10.] O Despertai! didi di tambuijila o kibhuidisu kiki, o kuila o ku zoka ni ió ala ku pholo ku batula o maka?

Njimbu Iambote ia Nzambi!

“Tua mu kunda o miji ku diembu dietu, phala ku tangela o kibatulu kia Bibidia ki suínisa kiavulu. O athu u tua zuela nau kiá a dibhudisa, se mukonda diahi o Nzambi ia henda uehela o hadi mu ngongo. Mudiê, o kuila Nzambi tundé ku dimatekenu dia ixi, ua mesenene kuila o athu a tala hadi?” Ehela o muthu n’a tambuijile. Jikula o disá 5, tanga o kaxi ka dianga ni ia kaiela, ni kibatulu kia Bibidia kia zendalala. Bhana o kadivulu ku mukuá dibhata, ni u zuele o kizuua ki ua-nda vutuka phala ku di longa o kibhuidisu kia kaiela kia xikatela.