Ifika ia Bhebhuluka

Mateka o ku Longa o Bibidia mu Sábhalu ia Dianga mu Mbeji ia Kavua

“Mudiê, ihi i banza Nzambi ia lungu ni misambu ietu? O kuila Nzambi u bhana valolo ku misambu ietu?” Ehela o muthu n’a tambuijile. Bhana o Mulangidi ua 1 ua mbeji ia Kavua, muidikise o mbandu ia sukina ia Mulangidi muala o maka enhá, tanga o kibhuidisu kia dianga, tanga kibatulu kimoxi kia Bibidia. Bhana o Mulangidi ku mukuá dibhata, ni u zuele o kizuua ki ua-nda vutuka, phala ku mu longa o kibhuidisu kia kaiela.

O Mulangidi 1 ua Kavua

“Mu kuijiia kuila Nzambi muene o Muteni a ioso, mudiê o kuila muene uala ni kikuma ua ima ia iibha iene mu bhita mu ixi? [Ehela o muthu n’a tambuijile. Tanga Tiiaku 1:13.] O kadivulu kaka, ka jimbulula mukonda diahi kuene mu bhita ima ia iibha ni ihi ia-nda bhanga Nzambi phala ku zubha o jiphaxi joso.”

Despertai! Kavua

“Etu oso lelu mba ku hádia nange tu bhita ni ima ia iibha kála, o mavuua, uhaxi u bhonza ku u saka, mba kufua kua muthu u tua zolo kiavulu. Mudiê, o kuila tu tena ku kala ni kidielelu, kioso ki tu bhita ni mavuua? [Ehela o muthu n’a tambuijile.] O Bibidia iene mu kuatekesa athu avulu ku dibhana ni mavuua. [Tanga Loma 15:4.] O Despertai! didi, di jimbulula kiebhi o Bibidia i tena ku tu kuatekesa kioso ki tu bhita ni mavuua.”