Ifika ia Bhebhuluka

Mateka o ku Longa o Bibidia mu Sábhalu ia Dianga mu Mbeji ia Kakuinhi

“Athu avulu ene mu samba mu ithangana ni ithangana. Né muene o athu ka xikina kuila kuene Nzambi, ene mu samba ué kioso kia kala ni maka. Mudiê, o kuila Nzambi uivua o misambu ioso?” Ehela o muthu n’a tambuijile. Bhana o Mulangidi ua 1 ua mbeji ia Kakuinhi, muidikise o mbandu ia sukina ia Mulangidi muala o maka enhá, tanga o kibhuidisu kia dianga, tanga o kibatulu kimoxi kia Bibidia. Bhana o Mulangidi ku mukuá dibhata, ni u zuele o kizuua ki ua-nda vutuka, phala ku di longa o kibhuidisu kia kaiela.

Kitendelesu: A tokala ku bhanga o kifika kiki, mu kiônge kia sidivisu ia ku boka mu kizuua kia 3 kia mbeji ia Kakuinhi.

O Mulangidi 1 ua Kakuinhi

“Tua mu kunda o athu, mukonda tuene mu mona kuila athu avulu, a thandanganha mukonda o ufusa ua mu di muanga kiavulu.” Maji athu avulu, a banza kuila o ufusa ki kima kia iibha. Ihi i u banza ia lungu ni maka enhá? [Ehela o muthu n’a tambuijile.] Jezú uambe kuila tu tena kuijiia o muxi uambote, bhu kaxi ka ibundu iê. (Tanga Matesu 7:17.) O Mulangidi iú, u jimbulula kiebhi o ufusa u bhangesa o muthu ku bhanga o ima ia iibha. U bhana ué itendelesu phala ku di langa ni ima ia lungu ni ufusa.”

Despertai! Kakuinhi

“Etu enioso tua mesena ku nangenena ku muenhu. Mudiê, o kuila saí kizuua o jingijiie a-nda bhanga milongo, i tu kuatekesa ku kala ni muenhu ua kalelaku? [Ehela o muthu n’a tambuijile.] Tala o kikanenu kiki, kia uabha. [Tanga 1 Kolindo 15:26.] O kuila Nzambi ua-nda buika o kalunga bhu kaxi ka ibhangelu ia jingijiie, mba bhu kaxi ka ima iéngi? Mukonda diahi tuene mu kuka, ni kufuá? O Despertai! didi di tambuijila, o ibhuidisu íii.”