Longa o Tuana Tuê Bhu Kaxi ka Kijimbuete Kietu
1. O mbandu iambe “Ana ndenge” a i bhange phala ku kuatekesa nanhi?
1 O Kijimbuete kietu, jw.org a ki bhange phala o athu a itala ioso. Mu Kijimbuete kietu tu sanga-mu mbandu ia lungu ni “Ana Ndenge” Bueta mu Milongi ia Bibidia>Ana ndenge (Ensinos Bíblicos, Crianças) i kuatekesa o jitata ni tuana ku di zukama dingi, ni ku zukama dingi kua Jihova. (Mate. 6:6, 7) Kiebhi ki u tena ku kuatekesa o tuana tuê bhu kaxi ka mbandu íii?
2. Kiebhi ki u tena ku sola o milongi ia tokala phala ku di longa ni an’ê?
2 Lungulula o Ukexilu uê ua ku Longa: Kala mona, uala ni kibhindamu kiê. (1 Kol. 13:11) Kiebhi ki u tena ku sola milongi, ia bhindamena dingi o tuana tuê? Dibhudise: ‘Milongi iebhi ia-nda uabhela dingi o tuana tuami? O kuila a-nda katula mbote? O kuila a tena ku di longa mu ithangana iavulu, inga iofele ngó?’ Se uala ni ana ala ni kitatu kia muvu mba kabuetele hanji, u tena kua longa bhu kaxi ka “Divulu Diami Dia Misoso.” Saí Miji a uabhela o ku di longa o Misoso ia Bibidia mu mbandu iambe: Longa o Tuana Tuê. (“Ensine Seus Filhos”) Kaiela o milongi íii.
3. Kiebhi o jitata kia tena ku longa kiambote ni misoso i tu sanga mu mbandu iambe: “Projetos para Adoração em Familia”?
3 Ku Ubhezelu ku Muiji: O mbandu íii falamenda iambote phala ku kuatekesa o jitata ku di longa ni an’a ndenge. Phala kuijiia kiebhi ki u tena ku longa ni misoso ni ikalakalu ia ku di longa, (Atividade de Estudo) bueta ku mbandu mu moneka o kizuelu katula, (download) tanga o mbandu Kikuatekesu phala o Jitata (“Ajuda para os Pais.”) Longa ni ji fikula ni ku soneka phala ku longa o tuana tuê. Kuatekesa o tuana tuê a kulu kiá ku bhanga o ikalakalu ia ku di longa. O ikalakalu ia ku di longa, a i bhange mu kaxi ka misoso ia Bibidia, phala ku kuatekesa o ana a itala ioso ku tambuijila ku Ubhezelu ku muiji.
4. Milongi iebhi i tu sanga mu mbandu “Kala u Kamba Dia Jihova”?
4 Kala u Kamba Dia Jihova: O jividiu ni mimbu, ni ikalakalu ji tena ku kuatekesa o jitata ku tula o Mak’a Nzambi ku tuana tuê. (Mate. 31:12) O ji vidiu ji longa milongi ia tokala phala o ana ndenge. O milongi phala ku tokuesa i longa ué ima iavulu. O ana ndenge a zolo o kuimba—o mimbu i kuatekesa o ana ndenge ku di lembalala o ima ia di longo kiá—tu tena ku sanga mu kijimbuete kietu mimbu iavulu ia Utuminu a i soneka phala o ana ji ndenge.
5. Mukonda diahi o jitata a tokala ku sota o kikuatekesu kia Jihova phala ku longa o Bibidia ku tuana tuâ?
5 Jitata, Jihova ua mesena kuila mu kala ji tata mba ji mama jambote. Sota o kikuatekesu kia Jihova phala ku longa o kidi kia Bibidia ku tuana tuê. (Afun. 13:8) Ni kikuatekesu kia Jihova eie, u tena ku kuatekesa an’ê ku kala ‘jinjimu n’a bhuluke mu ku kala ni kixikanu kua Jezú Kristu.’—2 Tim. 3:15; Jisa. 4:1-4.