Kalakala ni jw.org, mu Ukunji Uê​—‘Kala u Kamba Dia Jihova’

Mu kijimbuete kia jw.org, mu mbandu “Ensinos Bíblicos,” muala milongi phala o tumbonga ni diambu “Kala u Kamba Dia Jihova” tu sanga-mu músicas, vídeos ni actividades. O kuila ua kalakala na-iu kia mu ukunji? Se ua mu di longa o Bibidia ni tata uala ni tumbonga, mukonda diahi ku mu londekesa o jividiu jiji? Ku bhanga kiki, kua-nda mu suínisa ku tokuesa milongi iéngi mu Kijimbuete kietu.

Kioso kiexile mu boka ni kamukanda, Jinjimbu ja Utuminu No. 38, saí phange ia diiala, ua bhana umbangi ku muhatu, ua mateka ku tanga o kamukanda mu kithangana kia ka tambula. Muéne ua kexile ni tumbonga tua vulu, iu ua mesenene kuijiia dingi ia lungu ni kamukanda. O phange ua jimbulula ni lusolo o kamukanda, iú ua londekesa o Kijimbuete kietu, ku dima dia kamukanda. Kiedi o muhatu ua xikina, mu kithangana kieniókio, muéne ua bueta o jividiu ja Kalebe, phala o muhatu ni an’ê, mu mutelembe uê.

Saí phange ia muhatu, ua zuela ni koleka iê ku salu uala ni ana, ia lungu ni Kijimbuete kietu ni milongi i tu sanga-mu ia lungu ni miji. O muhatu ua tokuesa o jw.org ni an’ê. Kioso phang’etu kia vutuka ku salu, muéne uambe kuila, an’ê exile mu tonoka mon’zo ni kuimba “Pregue a Palavra,” muimbu ua vidiu “Kala u Kamba Dia Jihova.”

Ki kima kiambote kuijiia o falamenda ia jw.org ni ku bueta mu videos, músicas ni atividades, mu mutelembe uê. Mu kiki, ua-nda kala polondo phala ku kalakala ni jw.org mu ukunji. Íii falamenda iambote, i tu kuatekesa ku kala abhika a Ngana!​—Ikalakalu 20:19.